Joni 20:25 - Baibo Busansulushi Bwa Libuku Ili

²⁵ Aboobo bashikwiiya bamwi abo bakamulwiita ayi, “Twababona Baami!” Tomasi wakabakumbula ayi, “Inga nshisuminiiwo, sombibo nkabone shilonda sha misipikili mumaansaakwe akwinjisha munwe wangu mushilonda isho alimwi alyaansa lyangu kumbafu nkwaakayaswa lisumo.”

Joni 20:25 Marejeleo ya Msalaba

Joni 6:30

Mpeeke bakamwiipusha ayi, “Ino ncaankamikonshi nceshi mucite kwaamba ayi tubone akumushoma? Mutoocita mulimonshi?

Maako 16:11

Sombi balo ndibakanyumfwa ayi Jesu wabuka kuswa kubafu, alimwi ayi Maliya wamubona, tabakwe kushoma.

Bene Ebulu 3:18

Ono Lesa ndyaakaamba cakushinisha ayi, “Teshi bakeenjileewo mucishi umo mondalinga kweelete kubapa kookesha,” mbaani mbwaakalinga kwaambila? Mbantu abo bakamubukila.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Joni 21:7

Lyalo shikwiiya uyo Jesu ngwaakalinga kusunishi wakaambila Pita ayi, “MBaami!” Pita ndyaakanyumfwa ayi mBaami, wakafwala cakufwala cakwe ca peculu (ceebo wakalinga wacipa) akuliwaala mumaanshi.

Joni 1:41

Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”)

Luka 24:25

Lyalo Jesu wakabaambila ayi, “Mwebo nobantu baluya nomucelwa kushoma shintu shoonse shakaamba balaluki bakulukulu!

Mateyo 27:42

“Wakalinga kupulusha bamwi, sombi waalilwa kulipulusha mwiine. Sa te ngomwaami wa Isilaeli? Aaseluke ono pamucilingano kwaamba ayi tushome muli nguwe.

Kulumbaisha 78:32

Nakubi kwaamba ayi shoonse ishi shakacitika, bantu bakatolelela kubisha. Ncakwiila nakubi kwaamba ayi shaankamiko shakacitwa tabakwe kucinka manungo muli nguwe.

Jobo 9:16

Nabi na wansuminisha ayi ŋambe, nshintooshoma ayi inga wanyumfwa maswi angu.

Kulumbaisha 22:16

Likoto lya bantu babiibi lilinshingulukite, bambika pakati anga ndikoto lya baumpe. Bayasa maansaangu ashimpanta shangu.

Maako 16:13

Mpeeke bakaboolela kuya mukulwiita babyaabo. Sombi abalo tabakwe kubashoma.

Maako 16:14

Kumamanino, Jesu wakaboneka kubashikwiiya bali likumi awomwi kabalya. Wakabakalalila ceebo cakubula lushomo akuyuma myoyo, mukwiinga tabakwe kushoma baabo bakamubona kaabukite kuswa kubafu.

Joni 20:27

Lyalo wakaambila Tomasi ayi, “Njisha munwe wako apa alimwi ubone amaansaangu. Fungulula lyaansa lyako unjishe kumbafu shangu. Ono cileke kutonsha, ushome.”