Joni 20:16 - Baibo Busansulushi Bwa Libuku Ili

¹⁶ Mpomunyaawo Jesu wakaamba ayi, “Maliya!” Lyalo Maliya wakapiluluka akwaamba muciEbulu ayi, “Laboni!” (Nkokwaamba ayi “Mufundishi.”)

Joni 20:16 Marejeleo ya Msalaba

Matalikilo 22:1

Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”

Matalikilo 22:11

Sombi munjelo wa Mwaami Lesa wakamwiita kuswa kwiculu ayi, “Abulaamu, Abulaamu!” Alakwe wakakumbula ayi, “Nkambo.”

Matalikilo 45:12

Josefu wakatolelela ayi, “Ono noonse, awebo Benjameni, mwaboona kwaamba ayi ncakwiila ndime Josefu.

Kulonga 3:4

Ono Mwaami Lesa ndyaakabona ayi Mose utoosa cisena, wakamwiita pakati ka cikupu akwaamba ayi, “Mose! Mose!” Alakwe Mose wakakumbula ayi, “Nkambo.”

Kulonga 33:17

Mpeeke Mwaami Lesa wakaambila Mose ayi, “Ndaakucita kweelana ambowasenga ceebo ndikwishi kabotu alimwi ndikondetwe muli ndiwe.”

Lwiimbo lwakwe Solomoni 3:4

Ndindakeendakobo paniini usunikwi wangu ndakamucana. Ndakamucata cakutamuleka ayi anshiiye kushikila ndamutola kuŋanda ya bama, ee, mucipinda umo mondakashalilwa.

Lwiimbo lwakwe Solomoni 5:2

Ndakoona, sombi moyo wangu koocilasha. Ndakalota ayi usunikwi wangu wakonkoonsha kucisasa cangu. Wakaamba ayi, “Ncalwite njile omweensuma, osunikwi wangu, ompolobe yangu, webo otacite nabi pomwi mpootaboneki kabotu. Mutwi wangu watontola kumume, ayalo misusu yangu yaba akatoonto kushikunku.”

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Mateyo 14:27

Sombi paciindi ceenka ico Jesu wakabaambila ayi, “Amukalike myoyo! Mutaloondi, ndime.”

Maako 10:51

Mpeeke Jesu wakamwiipusha ayi, “Nciinshi ncoosuni ayi nkucitile?” Alakwe moofu wakakumbula ayi, “Bafundishi, ndisuni kwaamba ayi ntalike kubona alimwi.”

Luka 10:41

Mwaami Jesu wakamukumbula ayi, “Malita, Malita walisukama akupenshekwa ashintu shiinji!

Joni 1:38

Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.)

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 10:3

Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo.

Joni 11:28

Mpeeke ndyaakamana kwaamba boobo, Malita wakaya weeta Maliya nankashi yakwe kulubasu akumulwiita ayi, “Bafundishi besa, batookwiita.”

Joni 13:13

Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 5:2

Ono muJelusalemu, pafwaafwi aMulyango wa Mbelele, kwakalinga lishiba liitwa ayi Betesida muciEbulu. Mweela lishiba ili mwakalinga kuyakitwe twaanda tosanwe.

Joni 6:25

Lyalo bantu ndibakamucana kwitala limwi lya lweenge bakamwiipusha ayi, “Bafundishi, mwakesa lili kuno?”

Milimo ya Batumwi 10:3

Bumwi bushiku ciindi ca 3 koloko malumwi, wakabona munjelo wakwe Lesa anga muciloto keesa kuli nguwe akwiita liina lyakwe ayi, “Konelyasi!”

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

1 Samwelo 3:10

Lyalo Mwaami Lesa wakesa weemikana palya akwiita bweenka mbuli pakataanshi ayi, “Samwelo! Samwelo!” Samwelo wakakumbula ayi, “Amwaambe noBaami baLesa, ntoonyumfwa nemusebenshi wanu.”

1 Samwelo 3:6

Mwaami Lesa wakeeta Samwelo alimwi. Lakwe wakabuka waya kuli Eli akwaamba ayi, “Ndime ngomwalinga kwiita, ndesa.” Sombi Eli wakakumbula ayi, “Omwanaangu nshikwe kukwiita, sobwe. Boolelabo ukoone.”