Joni 20:1 - Baibo Busansulushi Bwa Libuku Ili

¹ Macuunsacuunsa paSondo, kapacishiyabo, Maliya wa kuMagadala wakaya kucuumbwe akucana ayi libwe lyakunkulushikwaawo pamulyango.

Joni 20:1 Marejeleo ya Msalaba

Mateyo 27:56

Mulikoto lyabo mwakalinga Maliya wa kuMagadala, Maliya banyina Jemusi aJosefu alimwi abamuka Sebedi.

Mateyo 27:60

akuubika mucuumbwe cakwe cipya ico ncaakakaba mulibwe. Kuswawaawo, wakakunkulushilawo libwe linene pamulyango wa cuumbwe, kaaya.

Mateyo 27:64

Anu amwaambile bamwi baye bakalindilile kucuumbwe kushikila peende nshiku shotatwe. Mukwiinga bashikwiiya bakwe inga besa mukwiipa mutuntu akulwiita bantu ayi, ‘Wabushikwa kuswa kubafu.’ Lyalo bubeshi bwabili bulaakubica kwiinda butaanshi.”

Mateyo 27:66

Mpeeke bakanyamuka akuya mukushinkashinka mweela libwe akushiyako beshikulindilila.

Mateyo 28:1

Ndibwakeenda bushiku bwakookesha bwa Cibelu, ono macuunsacuunsa paSondo, Maliya wa kuMagadala aMaliya umwi bakaya mukubona kucuumbwe.

Mateyo 28:2

Mpeeke kwakacitika citentanshi cinene ceebo munjelo wa Mwaami wakaseluka kuswa kwiculu wakunkulusha libwe lyakalinga kucuumbwe akwikalaawo.

Maako 15:46

Mpomunyaawo Josefu wakoola cisani cituba, waselusha mutuntu pamucilingano akuupombela acisani. Lyalo wakoobika mucuumbwe ncaakakabwa mulibwe, akukunkulushilawo libwe linene pamulyango wa cuumbwe.

Maako 16:9

Pabushiku butaanshi bwa nsondo macuunsacuunsa, Jesu ndyaakabuka kuswa kubafu, wakataanguna kubonekela kuli Maliya wa kuMagadala uyo ngwaakakusha bashikaswa bosanwe abobilo.

Joni 11:38

Jesu kaacicite buumba alimwi akupenshekwa mumoyo wakashika kucuumbwe. Cakalingabo cimfwengo kakucalitwe libwe.

Joni 11:41

Aboobo bakakushako libwe. Mpeeke Jesu wakalanga kwiculu akwaamba ayi, “Ndamulumba Ta ceebo mwanyumfwa ncendasenga.

Joni 19:25

Pafwaafwi amucilingano wakwe Jesu pakalinga kwiimfwi banyina, mukwababo mwanakashi, Maliya muka Kilopasi alimwi aMaliya wa kuMagadala.

Joni 20:26

Ndipakeenda nsondo, bashikwiiya alimwi bakalinga kubungene muŋanda. Tomasi alakwe wakalingaamo. Shisasa shakalinga kucalitwe, sombi Jesu wakesa weemikana pakati kabo akwaamba ayi, “Luumuno lube amwebo!”

Milimo ya Batumwi 20:7

Ono pabushiku butaanshi bwa nsondo, nditwakabungana akulya mulalilo wa Mwaami, Paulo wakatalika kubashimikila Makani Abotu. Wakatolelela kushimikila kushikila pakati ka mashiku mukwiinga wakalinga kusuni kuswaako macuunsa.

1 Bene Kolinto 16:2

PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.