Joni 2:25 - Baibo Busansulushi Bwa Libuku Ili

²⁵ Taakalinga kulindila ayi umwi muntu amulwiite shabuumi bwa bantu mukwiinga wakalinga kwishi mwiine shili mumyoyo yabo.

Joni 2:25 Marejeleo ya Msalaba

1 Baami 8:39

amukutike mipailo yabo. Amubakutike kwiculu uko nkomwikala, mubalekelele alimwi akubacafwa. Mwebo nweenka ndimwe mwishi miyeeyo ya bantu. Amucitile muntu womwi awomwi mbuli mbwaaelete

Isaya 11:3

Ncakwiila alakwe ulaakunoosangalala mukuloonda Mwaami Lesa. Lakwe teshi akanokoombolosha kwiinda mukulangilishabo muntu, nabi kwiinda mushintu shakunyumfwanyumfwabo.

Mateyo 9:4

Sombi Jesu wakeshiba ncebakalinga kuyeeya, lyalo wakaamba ayi, “Mutooyeeyelanshi shintu shibiibi mumyoyo yanu?

Joni 1:42

Kuswawaawo Andulu wakatola Simoni kuli Jesu. Jesu wakalangilisha Simoni akumwaambila ayi, “Webo liina lyako ndiwe Simoni mwanaakwe Jona. Sombi unanookwiitwa ayi Kefasi.” (Liina ili lilasansulula ayi “Pita” nkokwaamba ayi “Mwaandami.”)

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Joni 13:11

Mukwiinga Jesu wakalinga kwishi kale wooyo eshi akamwaabe, nceceeco ncaakaambila ayi, “Noonse, mwatuba kukushakobo womwi.”

Joni 6:61

Jesu wakalinga kwishi ayi bashikwiiya bakwe bakalinga kutongooka pamakani aya. Mpeeke wakabaambila ayi, “Sa mutooyanda kutyongola ceebo ca makani aya?

Joni 6:64

Nakubi boobo nobamwi tamushomi.” Mukwiinga Jesu wakalinga kwishi kuswabo kumatalikilo, abo beshi bakabule kumushome alimwi awooyo weshi akamwaabe.

Dutolonomi 31:21

Mapensho aanji aakubapolela, lwiimbo ulu lulaakunokwiimbwa akuba bukamboni bwakubashinina, mukwiinga bamulunyungu lwabo teshi bakaluluube. Nebo ndishi shoonse nsheshi bakacite, nacibi kwaamba ayi nshina kubashisha mucishi ico ncendakashomesha cakulumbila kubapa.”