Joni 2:23 - Baibo Busansulushi Bwa Libuku Ili

²³ Jesu ndyaakalinga muJelusalemu, pabushiku bwa Pasika bwakwiibaluka kusotokela, bantu baanji bakamushoma ndibakabona shaankamiko nshaakacita.

Joni 2:23 Marejeleo ya Msalaba

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Joni 11:45

Aboobo baanji pakati ka baJuda abo bakesa mukulilashaanyako Maliya, bakashoma Jesu ndibakabona nshaakacita.

Joni 2:11

Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Joni 2:13

Paciindi ico, bushiku bwa Pasika bwakwiibaluka kusotokela bwakalinga pafwaafwi, aboobo Jesu wakaya kuJelusalemu.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 4:45

Ndyaakashika muGalili bantu ba mucishi ici bakamutambula kabotu mukwiinga bakabonaawo kale nshaakacita kuJelusalemu, ndibakalinga mukusekelela bushiku bwa Pasika bwakwiibaluka kusotokela.

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Joni 6:14

Bantu ndibakabona caankamiko cakacita Jesu, bakaamba ayi, “Ncakwiila uyu ngomulaluki wakalinga kulangilwa mucishi ca panshi!”

Joni 6:2

Bantu baanji baanji bakamukonkela mukwiinga bakalinga babonaawo kale shaankamiko ndyaakashilika balwashi.

Joni 7:31

Nakubi boobo bantu baanji mulikoto lilya bakashoma muli Jesu, bakaamba ayi, “Na akese Usalitwe wakwe Lesa, sa ulaakucita shaankamiko kwiinda sheeshi nshaacita muntu uyu?”

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.