Joni 2:11 - Baibo Busansulushi Bwa Libuku Ili

¹¹ Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Joni 2:11 Marejeleo ya Msalaba

1 Baami 17:24

Mpeeke mukalubinje uyo wakakumbula ayi, “Ono ndashiiba ayi uli muntu wakwe Lesa alimwi ayi Mwaami Lesa ulaambila muli ndiwe!”

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 96:3

Amwaambilishe bulemu bwakwe kumishobo yoonse, Amwaambilishe milimo yakwe ya nkusu kubantu boonse.

Kulonga 14:31

Ono bene Isilaeli ndibakabona nkusu sha Mwaami Lesa shiteelekwa isho nshaakakomeshako bene Ijipiti, bakalemeka Mwaami Lesa. Kuswawaawo bakashoma muMwaami Lesa alimwi aMose musebenshi wakwe.

Kulonga 4:9

Ono na bakabule kukushoma waakumana kucita shaankamiko shobilo ishi, akukaka kukunyumfwila, ukatekule maanshi muMulonga wa Nailo akwaatila panshi. Maanshi ayo, alaakwaaluka bulowa.”

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Isaya 40:5

Lyalo bulemu bwa Mwaami Lesa bulaakuyubululwa. Mpeeke mishobo yoonse ilaakububona. Ee, ceebo Mwaami Lesa mwiine mbwaamba ubo.”

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 1:43

Bushiku bwakaboolaawo Jesu wakayeeya kuya kucishi ca Galili. Mpeeke wakacana Filipo akumwaambila ayi, “Nkonkele!”

Joni 1:50

Jesu wakaamba ayi, “Sa washooma ceebo cakukwaambila ayi, ‘Ndalinga kukubwene kooli mucisamu ca mukuyu?’ Ulaakubona shintu shiinda waawa!”

Joni 10:41

Mpeeke bantu baanji bakesa kuli nguwe akwaamba ayi, “Joni taakwe kucitawo caankamiko, sombi shintu shoonse nshaakaamba pamuntu uyu nshalushinisho.”

Joni 11:15

Ono ceebo ca ndimwe ndakondwa kwaamba ayi nshindalingaako uko, kwaamba ayi mushome. Katiya kuli nguwe.”

Joni 11:47

Lyalo bamatanjilili ba bapailishi abaFalisi alimwi abeendeleshi ba nkuta bakabungana akwiipushanya ayi, “Tutoocita buyani? Amubone shaankamiko kufula nshaatoocita muntu uyu!

Joni 12:18

Nceceeco bantu ncebakamucinshila mukwiinga bakanyumfwa ayi ngowakacita caankamiko ico.

Joni 12:37

Nakubi kwaamba ayi wakacita shaankamiko pameenso abo, tabakwe kumushoma.

Joni 12:41

Isaya wakaamba boobo mukwiinga wakabona bulemu bwakwe Jesu, akwaamba shapali nguwe.

Joni 14:13

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo.

Joni 16:27

ceebo baTa beene balimusuni. Balimusuni ceebo mulinsuni alimwi mwakashoma ayi ndakaswa kuli Lesa.

Joni 16:30

Ono tweshiiba ayi mulishi shintu shoonse alimwi taakuuwo aceebo muntu nceenga wamwiipushisha. Aboobo twashooma ayi mwakaswa kuli Lesa.”

Joni 2:1

Ndipakeenda nshiku shobilo kwakaba bwiinga mundabala ya Kana mucishi ca Galili. Banyina Jesu bakalingaako.

Joni 2:23

Jesu ndyaakalinga muJelusalemu, pabushiku bwa Pasika bwakwiibaluka kusotokela, bantu baanji bakamushoma ndibakabona shaankamiko nshaakacita.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 4:3

Aboobo Jesu ndyaakanyumfwa ayi baFalisi bakanyumfwa makani aya, wakaswaako kuJudeya akuboolela alimwi kuGalili.

Joni 4:46

Lyalo Jesu wakaboolela kuKana muGalili uko nkwaakasandula maanshi kuba waini. Uko kweenka kwakalinga wacinenenene, mubweendeleshi bwa cishi, wakalinga kucite mwaana mulwashi kuKapenaumu.

Joni 4:54

Ici cakaba caankamiko cabili Jesu ncaakacita muGalili ndyaakaswa muJudeya.

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 6:14

Bantu ndibakabona caankamiko cakacita Jesu, bakaamba ayi, “Ncakwiila uyu ngomulaluki wakalinga kulangilwa mucishi ca panshi!”

Joni 6:2

Bantu baanji baanji bakamukonkela mukwiinga bakalinga babonaawo kale shaankamiko ndyaakashilika balwashi.

Joni 6:26

Jesu wakakumbula ayi, “Ntoomulwiita calushinisho ayi tamutoonangoola ceebo mwakabona shaankamiko shindakacita, sombi mukwiinga mwakalya shinkwa akukuta.

Joni 6:30

Mpeeke bakamwiipusha ayi, “Ino ncaankamikonshi nceshi mucite kwaamba ayi tubone akumushoma? Mutoocita mulimonshi?

Joni 7:31

Nakubi boobo bantu baanji mulikoto lilya bakashoma muli Jesu, bakaamba ayi, “Na akese Usalitwe wakwe Lesa, sa ulaakucita shaankamiko kwiinda sheeshi nshaacita muntu uyu?”

Joni 9:16

BaFalisi bamwi bakaamba ayi, “Uyo muntu wacita ceeci taaswi muli Lesa mukwiinga taakonkeli mulawo wa bushiku bwakookesha bwa Cibelu.” Sombi bamwi bakaamba ayi, “Ino ono mucita shibi inga wacikonsha buyani kucita shaankamiko mbuli sheeshi?” Aboobo bakapansaana beene abeene.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Dutolonomi 5:24

akwaamba ayi, ‘Mwaami Lesa, Lesa wesu watutondesha nkusu shakwe shinene abulemu bwakwe ndyaakaamba aswebo kuswa mumulilo! Sunu twaboona ayi cilakonsheka muntu kunoocili muumi nabi na Lesa waamba anguwe.

1 Joni 5:13

Ndamulembela makani aya nomushoma muMwanaakwe Lesa kwaamba ayi mwishibishe ayi mulicite buumi butamaani.