Joni 19:9 - Baibo Busansulushi Bwa Libuku Ili

⁹ Lyalo wakenjila alimwi muŋanda yakwe akwiipusha Jesu ayi, “Anu webo kumishaanu nkuli?” Sombi Jesu taakwe kumukumbula.

Joni 19:9 Marejeleo ya Msalaba

Isaya 53:7

“Wakalyatililwa akupenshekwa sombi taakwe kwaambaawo nabi liswi lyomwi. Wakatolwabo anga ngumwanaambelele utooya mukucaikwa. Nabi anga ngumwanaambelele utaliili pakuya mukuceswa booya. Ncakwiila taakwe kwaambaawo nabi liswi lyomwi.

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 27:27

Mpomunyaawo bashilumamba bakenjisha Jesu muŋanda ya mweendeleshi, akubunganya bashilumambanyinaabo bamwi boonse, besa bashinguluka Jesu.

Luka 23:9

Aboobo Elodi wakamwiipusha miipusho iinji, sombi Jesu taakwe kukumbulaawo.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.

Joni 18:33

Pilato wakenjila alimwi muŋanda yakwe, weeta Jesu akumwiipusha ayi, “Sa ndiwe mwaami wa baJuda?”

Joni 18:34

Jesu wakakumbula ayi, “Sa utoolyaambililabo omwiine nabi kuli bamwi bakulwiita shapali ndime?”

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 19:10

Mpomunyaawo Pilato wakamwiipusha ayi, “Sa teshi unkumbule? Sa tooshi kwaamba ayi ndicite nkusu shakukwaangulula nabi shakwaamba ayi upopwe pamucilingano?”

Joni 19:8

Ingayi Pilato anyumfwe boobo, boowa bwakamucata abuumbi.

Joni 8:14

Jesu wakakumbula ayi, “Nakubi kwaamba ayi ntoolyaambilila nemwiine, bukamboni bwangu mbwalushinisho mukwiinga ndishiiko nkondakaswa alimwi ankootooya. Sombi mwebo tamwishiiko nkondakaswa ankoontooya.

Bene Filipi 1:28

Mutaloondi balwani banu, sombi amuyume cakubula boowa. Aboobo cilaakutondesha kwaamba ayi balaakunyonyoolwa, sombi mwebo Lesa ulaakumupulusha.

Boomboloshi 13:6

Mpomunyaawo mwanakashi wakaya mukwaambila ibaye ayi, “Muntu wakwe Lesa walinga wesa kuli ndime. Walinga kuboneka anga ngumunjelo wakwe Lesa. Walinga kuloondesha abuumbi. Nshikwe kumwiipusha nkwaaswa, alakwe taakwe kundwiita liina lyakwe.