Joni 19:6 - Baibo Busansulushi Bwa Libuku Ili

⁶ Bapailishi banene abeshikulindilila kuŊanda yakwe Lesa ndibakamubona, bakoolobesha ayi, “Aapopwe pamucilingano, aapopwe pamucilingano!” Mpomunyaawo Pilato wakabaambila ayi, “Amumubwese nobeene muye mukamupoope. Nebo taaku mulandu ngondamucanina.”

Joni 19:6 Marejeleo ya Msalaba

Mateyo 26:58

Sombi Pita wakalinga kuya cikonkela Jesu palaale, kushikila wakaya mukwinjila amulubansa lwa ŋanda ya mupailishi munene. Wakenjila mukati akwikala pantu pomwi abeshikulindilila kuŋanda yakwe Lesa ayi abone nceshi cicitike.

Mateyo 27:22

Pilato wakabeepusha ayi, “Ino mucite buyani Jesu wiitwa ayi Usalitwe wakwe Lesa?” Boonse bakakumbula ayi, “Aapopwe pamucilingano!”

Mateyo 27:24

Ono Pilato ndyaakabona ayi taaku nceshi cicitike, alimwi ayi inga paakuba shimfulunganya, wakabwesa maanshi akusamba kumaansa pameenso a bantu boonse akwaamba ayi, “Nebo nshicite mulandu palufu lwa muntu uyu! Ngumulandu wanu nobeene!”

Luka 23:4

Mpeeke Pilato wakaambila bamatanjilili ba bapailishi abantu baanji abo ayi, “Nebo taaku mulandu ngondacana mumuntu uyu.”

Joni 18:3

Aboobo Judasi wakashika kumusena uko kaali alikoto lya bashilumamba abeshikulindilila kuŊanda yakwe Lesa, abo bakatumwa abamatanjilili ba bapailishi alimwi abaFalisi. Bakalinga kuyumwite malampi ashimunimweenge ashakulwanisha.

Joni 18:31

Mpomunyaawo Pilato wakaamba ayi, “Anu amumutoole nobeene mukamoomboloshe kwiinda mumilawo yanu.” Sombi balo bakakumbula ayi, “Swebo tatusuminishikwi kucaya muntu.”

Joni 18:38

Pilato wakeepusha alimwi ayi, “Anu lushinisho ulo ndootokwaamba nciinshi?” Ndyaakamana kwaamba boobo, Pilato wakaswita pansengwe mukulwiita bamaloba ba baJuda ayi, “Taaku mulandu ngondacanina muntu uyu.

Joni 19:15

Balo bakoolobesha ayi, “Aacaikwe, aacaikwe, aapopwe pamucilingano!” Pilato wakabeepusha ayi, “Sa mulisuni ayi mpope mwaami wanu pamucilingano?” Bamatanjilili ba bapailishi bakakumbula ayi, “Taaku aumwi mwaami ngotucite, eenkabo muleli munene wa kuLoma.”

Joni 19:4

Pilato wakaswita pansengwe alimwi akwaambila baJuda ayi, “Amubone, ntoomukusha pansengwe kuli ndimwe kwaamba ayi mwishibe ayi taaku mulandu ngondacanina muntu uyu.”

Milimo ya Batumwi 2:23

Kweelana akuyanda kwakwe mwiine Lesa, wakabambila limwi ayi Jesu ulaakwaabwa mumaansaanu. Mpeeke mwebo mwakalengesha ayi bamucita shibi bamupope pamucilingano.

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.