Joni 18:4 - Baibo Busansulushi Bwa Libuku Ili

⁴ Jesu wakalinga kwishi kale shoonse shakalinga kweelete kumucitikila. Aboobo wakasenaako akubeepusha ayi, “Ino ngani ngomutooyandoola?”

Joni 18:4 Marejeleo ya Msalaba

1 Baami 18:10

Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo mwaami Aabu walema kumulangoola mushishi shoonse sha pacishi ca panshi cino. Na mwaami wa cishi ico nceenga weepusha wakaka, uyo mwaami ulyeelete kushomesha cakulumbila ayi tamumo mucishi cakwe.

Neyemiya 6:11

Sombi ndakakumbula ayi, “Sa muntu uli mbuli ndime inga wacica? Sa muntu uli mbuli ndime ulakonsha kuya mukuyuba muŊanda yakwe Lesa kufuna buumi bwakwe? Nebo teshi njeeko.”

Kulumbaisha 27:3

Ono nabi likoto lya bashilumamba lyoonse lyanshinguluka, moyo wangu tooswiiwo kuboowa napaceyuubo. Ncakwiila nabi nkoondo yambukila nebo ndanoocinkitebo manungo muli Lesa.

Kulumbaisha 3:6

Teshi nkaloonde shuulu sha balwani abo batoomfwima koonse koonse.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Mateyo 26:2

“Mulishi kwaamba ayi kwacaalabo nshiku shobilo ayi bushike bushiku bwa Pasika bwakwiibaluka kusotokela. Lyalo MwanaaMuntu ulaakwaabwa ayi apopwe pamucilingano.”

Mateyo 26:21

Ndibakalinga kulya, Jesu wakaamba ayi, “Ntoomulwiita calushinisho ayi umwi mulikoto lyanu utoongaba.”

Mateyo 26:31

Jesu wakaambila bashikwiiya bakwe ayi, “Sunu lyeenka mashiku, mwebo noonse mutotyongola akunshiya neenka. Kweelana ambokulembetwe ayi, ‘Ndaakucaya mweembeshi, mpeeke mbelele shoonse shilaakupalangana.’

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 13:11

Mukwiinga Jesu wakalinga kwishi kale wooyo eshi akamwaabe, nceceeco ncaakaambila ayi, “Noonse, mwatuba kukushakobo womwi.”

Joni 18:5

Bakamukumbula ayi, “Tutooyandoola Jesu wa kuNasaleti.” Jesu wakaamba ayi, “Ndime.” Alakwe Judasi, uyo wakamwaaba kubalwani, wakalinga kwiimfwi ambabo.

Joni 18:7

Jesu wakabeepusha alimwi ayi, “Anu ngani ngomutooyandoola?” Abalo bakamukumbula ayi, “Jesu wa kuNasaleti.”

Joni 19:28

Jesu wakashiba ayi shoonse shacitika. Ono kwaamba ayi Malembo akwe Lesa acitike cancinencine, wakaamba ayi, “Ndafwa nyotwa.”

Joni 6:64

Nakubi boobo nobamwi tamushomi.” Mukwiinga Jesu wakalinga kwishi kuswabo kumatalikilo, abo beshi bakabule kumushome alimwi awooyo weshi akamwaabe.

Milimo ya Batumwi 2:28

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi.’

1 Pita 4:1

Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.