Joni 18:11 - Baibo Busansulushi Bwa Libuku Ili

¹¹ Jesu wakaambila Pita ayi, “Boosha mupeeni mookala! Sa utooyeeya kwaamba ayi nsheelete kunwita munkomeshi ya mapensho baTa njebampa?”

Joni 18:11 Marejeleo ya Msalaba

2 Samwelo 16:10

Sombi mwaami wakaamba ayi, “Mwebo nobana bakwe Seluiya tamubeteko lubasu kumakani aya. Na utooncobola ceebo cakwaamba ayi Mwaami Lesa wamulwiita boobo, ngani ucite nkusu shakumwiipusha ncaatoocitila boobo?”

Kulumbaisha 75:8

Mulyaansa lya Mwaami Lesa muli nkomeshi. Nkomeshi iyo iliswitebo waini wa bukali bwakwe. Ulootila alimwi bantu boonse babiibi ba mucishi balanwa. Balanwa kushikila woonse boomana.

Esekelo 23:31

Wakakonkela nshila yeenka yakeendamo munene wako, aboobo ntookupa nkomeshi ya mulandu yeenka njendakapa nguwe.”

Mateyo 20:22

Sombi Jesu wakabaambila ayi, “Tamwishi ncemutoosenga. Sa inga mwanwita munkomeshi ya mapensho njeshi nkanwiteemo?” Abalo bakakumbula ayi, “Ee, inga twacikonsha.”

Mateyo 26:39

Mpeeke Jesu wakeendakobo paniini, wakawita panshi akutalika kupaila ayi, “Ta, na kacikonsheka, nkomeshi ya mapensho inyindilile, nakubi boobo mutaciti kuyanda kwangu. Sombi mucite kuyanda kwanu.”

Mateyo 26:42

Jesu wakaboolela mukupaila alimwi ayi, “Ta, na nkomeshi ya mapensho iyi inga tainyindilili kaantana kunwa, anu kuyanda kwanu akucitike.”

Luka 12:30

Ishi nsheshintu bantu bakunsengwe shibayandoola, sombi Ishiwanu ulishi kwaamba ayi shoonse ishi mulishisuni.

Luka 22:42

“Ta, na mulisuni, amukushe nkomeshi ya mapensho iyi pali ndime, nakubi boobo mutaciti kweelana akuyanda kwangu, sombi amucite kuyanda kwanu.” [

Joni 15:10

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Joni 18:36

Jesu wakakumbula ayi, “Bweene bwangu tabwishi bwa mucishi ca panshi pano. Nebwakalinga bwa panshi, naakwiinga bakonkela ndime batoolwana kwaamba ayi ntaabwi kubeendeleshi ba baJuda. Ono bweene bwangu tabwishi bwa mucishi cino.”

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

2 Bene Kolinto 10:4

Shilwanisho nshetusebensesha teshi sha pacishi ca panshi, sombi nsha nkusu shakwe Lesa isho shinyonyoola bulwani bwa bubi.

2 Bene Kolinto 6:7

mumaswi alushinisho alimwi amunkusu shakwe Lesa. Tulasebensesha shakulwanisha sha bululami mumaansa oonse obilo lyalulyo alyacipiko.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.