Joni 17:21 - Baibo Busansulushi Bwa Libuku Ili

²¹ Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Joni 17:21 Marejeleo ya Msalaba

1 Bene Kolinto 12:12

Klistu uli anga ngumubili womwi ucite shipansha shiinji. Nabi ulicite shipansha shiinji, ngumubili womwi.

Joni 17:11

Ono ntoosa kuli ndimwe, teshi nooli mucishi ca panshi, sombi balo mobacili. Ta noMusalalite, amubalaame munkusu sha liina lyanu ndimwakampa, kwaamba ayi abalo babe womwi bweenka swebo mbotuli womwi.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Joni 13:35

Mukwiinga na kamusunene, bantu boonse balaakwishiba ayi muli bashikwiiya bangu.”

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 10:30

Nebo abaTa tulibo womwi.”

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

Bene Loma 12:5

Mbweeke ubo, nakubi kwaamba ayi tuli baanji, tuli mubili womwi muli Klistu. Aboobo twakacatanishikwa pantu pomwi bweenka mbuli shipansha sha mubili womwi.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

1 Joni 5:7

Kuli bakamboni botatwe,

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Joni 10:16

Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Sefaniya 3:9

“Ono ndaakusandula bwikaalo bwa bantu ba mumishobo imwi kwaamba ayi boonse bakanoopaila kuli ndime akunoosebenselabo ndime neenka camoyo womwi.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 3:17

Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Joni 17:18

Bweenka mbomwakantuma mucishi ca panshi, anebo ndabatuma muli ncico.

Joni 11:42

Ndishi kwaamba ayi lyoonse mulanyumfwa nceenga ndaseenga, sombi ndaamba boobo ceebo ca bantu bali waano, kwaamba ayi beshibe ayi ndimwe mwakantuma.”

Joni 17:20

“Nshintoopaililabo baaba beenka, sombi abaabo boonse beshi bakashome muli ndime kwiinda mukushimikila kwabo.

1 Bene Kolinto 6:17

Sombi uyo ulyaaba kuMwaami Jesu, ulaba mubili womwi aJesu mumushimu.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

Maako 3:24

Na cishi calyaabanya mushipansha akutalika kulwana shiine, cishi ico cilawa.

Joni 13:32

Ono na Lesa walemekwa kwiinda muMwanaakwe, nkokwaamba ayi alakwe Lesa mwiine ulaakulemeka Mwanaakwe alimwi utoocita boobo paciindi ceenka cino.