Joni 17:12 - Baibo Busansulushi Bwa Libuku Ili

¹² Ndindakalingaabo, ndakabalama muliina lyanu ilyo ndimwakampa. Ndakabafuna kabotu alimwi taaku nabi womwi pakati kabo wakasoweka, sombibo wooyo wakalinga kweelete kunyonyooka, kwaamba ayi shilembetwe muMalembo anu shicitike cancinencine.

Joni 17:12 Marejeleo ya Msalaba

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Joni 17:6

“Abo batumwi mbomwakapatula kuswa mubantu boonse akumpa, ndabeeisha kwaamba ayi bamwishibe. Bakalinga baanu, sombi mwakampa alimwi bakonkela maswi anu.

Joni 18:9

Wakaamba boobo ayi maswi alya ngaakaamba ayi, “Ta, nshikwe kusowaawo nabi womwi pabaabo mbomwakampa,” acitike cancinencine.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Milimo ya Batumwi 1:25

kwaamba ayi abwese musena uyu wa butumwi, uyo wakashiya Judasi ndyaakaya kumusena umweelete.”

Bene Filipi 2:9

Paceebo ceeco, Lesa wakamusumpula camaansa obilo, akumupa liina liinda pameena oonse.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

Bene Ebulu 2:13

Wakaamba alimwi ayi, “Ndaakushoma muli Lesa.” Alimwi ayi, “Ndiwaano abaana abo Lesa mbwaakaampa.”

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Ciyubululo 19:12

Meenso akwe akalinga anga ngumulilo utoonyaka, kumutwi wakalinga kufwete mishini iinji. Wakalinga kulembetwe liina ilyo muntu uli woonse ndyaateshi, sombibo mwiine eenka.