Joni 17:11 - Baibo Busansulushi Bwa Libuku Ili

¹¹ Ono ntoosa kuli ndimwe, teshi nooli mucishi ca panshi, sombi balo mobacili. Ta noMusalalite, amubalaame munkusu sha liina lyanu ndimwakampa, kwaamba ayi abalo babe womwi bweenka swebo mbotuli womwi.

Joni 17:11 Marejeleo ya Msalaba

Kulumbaisha 79:9

NobaLesa nobapulushi besu, amutucaafwe ceebo ca bulemu bwa liina lyanu. Amutufuune akutulekelela shibiibi shesu ceebo ca liina lyanu.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Isaya 27:3

Nebo neMwaami Lesa ndaulama, muunda uyo lyoonse ndautilila. Ndaulindilila mashiku amalumwi kwaamba ayi kubule weenga waunyonyoola.

Isaya 64:2

Bweenka mulilo mboutenta tusaala akubilisha maanshi, mbweeke ubo amwebo amwise akulengesha liina lyanu kupuka kubalwani banu. Munshila iyo amulengeshe bamumishobo imwi kututuma kunembo lyanu.

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Esekelo 20:22

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:44

Mulaakwishiba ayi anu ndi Mwaami Lesa ciindi ndaakumucitila shintu ceebo ca liina lyangu kuteshi kweelana anshila shanu shibiibi alimwi amicito yanu ibiibi, mwebo nobene Isilaeli. Nebo neMwaami Lesa Shinkusu shoonse ndaamba.’ ”

Esekelo 20:9

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 5:48

Anu mwebo mulyeelete kuba bantu basalalite, bweenka bubete Ishiwanu uli kwiculu.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Joni 14:20

Pabushiku ubo mulaakwishiba ayi ndimuli baTa, amwebo muli muli ndime, bweenka mboondi muli ndimwe anebo.

Joni 16:28

Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Joni 17:6

“Abo batumwi mbomwakapatula kuswa mubantu boonse akumpa, ndabeeisha kwaamba ayi bamwishibe. Bakalinga baanu, sombi mwakampa alimwi bakonkela maswi anu.

Joni 7:33

Jesu wakaamba ayi, “Ndanooli amwebo kwa ciindi ciniinibo kaantana kuya kuli wooyo wakantuma.

Milimo ya Batumwi 3:21

Lakwe ulyeelete kunooli kwiculu kushikila ciindi shintu shoonse shikalengwe cipya, kweelana abwakaamba Lesa kalekale, kwiinda mubalaluki bakulukulu basalalite.

Bene Loma 12:5

Mbweeke ubo, nakubi kwaamba ayi tuli baanji, tuli mubili womwi muli Klistu. Aboobo twakacatanishikwa pantu pomwi bweenka mbuli shipansha sha mubili womwi.

Bene Loma 9:17

Mukwiinga muMalembo Lesa wakaambila Falawo ayi, “Ndakakupa bwaami kwaamba ayi kwiinda muli ndiwe nkatondeshe nkusu shangu akulengesha ayi bantu boonse mucishi ca panshi banshiibe.”

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Efeso 4:4

Kuli mubili womwi aMushimu Usalashi womwi, bweenka mbuli mbokuli kulangila komwi Lesa nkwaakamwiitila.

Bene Filipi 2:9

Paceebo ceeco, Lesa wakamusumpula camaansa obilo, akumupa liina liinda pameena oonse.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

1 Joni 3:12

Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 19:12

Meenso akwe akalinga anga ngumulilo utoonyaka, kumutwi wakalinga kufwete mishini iinji. Wakalinga kulembetwe liina ilyo muntu uli woonse ndyaateshi, sombibo mwiine eenka.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”