Joni 17:1 - Baibo Busansulushi Bwa Libuku Ili

¹ Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Joni 17:1 Marejeleo ya Msalaba

Kulumbaisha 123:1

NoBaami baLesa, ndalangilisha kuli ndimwe, kuli ndimwe nomucite cuuna ca bwaami kwiculu.

Isaya 38:14

Liswi lyangu lwakaceya ceebo cakushinka, alimwi ndakalinga kulila anga nimpolobe. Aalo meenso angu ashimba kukulanga kwiculu. Amumfuune noBaami baLesa, ndi mumapensho.”

Maako 14:41

Ndyaakaboola lyatatu, wakabeepusha ayi, “Sa abubulya mucilete akunoocookesha? Ono bulya camana! Ciindi cashikila. Amubone, MwanaaMuntu ono utokwaabwa mumaansa a bamucita shibi.

Luka 18:13

“Sombi musonkeshi uyo wakanyamuka alakwe weemikana palaale. Taakwe kulangaawo akwiculu pakupaila, sombi wakalikumbata akwaamba ayi, ‘NobaLesa, amunyumfwileko nkumbu nebo nemucita shibi!’

Luka 22:53

Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”

Joni 11:4

Jesu ndyaakanyumfwa makani aya wakaamba ayi, “Kuciswa uko teshi kumucaaye, sobwe. Sombi kwacitika kwaamba ayi Lesa alemekwe alimwi kwaamba ayi Mwanaakwe Lesa alemekwe ceebo ca bulwashi ubo.”

Joni 11:41

Aboobo bakakushako libwe. Mpeeke Jesu wakalanga kwiculu akwaamba ayi, “Ndamulumba Ta ceebo mwanyumfwa ncendasenga.

Joni 12:23

Jesu wakakumbula ayi, “Ciindi cashikila cakwaamba ayi MwanaaMuntu alemekwe.

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 16:32

Ciindi cilaakushikila, ncakwiila cashikila kale cakupalanganishikwa kuya mwanu mwanu. Lyalo mulaakunshiyabo neenka. Sombi nshibete neenka mukwiinga baTa bali anebo lyoonse.

Joni 7:30

Ingayi banyumfwe boobo bakeelesha kumucata, sombi taaku wakacikonsha mukwiinga ciindi cakwe kacitana kushikila.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Joni 8:20

Jesu wakaamba maswi aya kaali muŊanda yakwe Lesa pafwaafwi amusena pakalinga kubikwa shipo. Sombi taaku wakamucata mukwiinga ciindi cakwe kacitana kushikila.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.