Joni 16:21 - Baibo Busansulushi Bwa Libuku Ili

²¹ Na walutundu uli pakati mumala mwabuka, ulapenshekwa ceebo ciindi cakupenga kwakwe cashikila. Sombi na wapulukaamo ulalubaako akupenga kwakwe ceebo ulasangalala ayi mwaana washalwa mucishi.

Joni 16:21 Marejeleo ya Msalaba

Matalikilo 3:16

Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

Jobo 11:16

Mpeeke mapensho ako ulaakwaaluba, bweenka maanshi atookunka mbwaaenda lubilo.

Kulumbaisha 113:9

Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!

Isaya 13:8

Ee, boowa bulaakubacata cankusu. Kucisa abuumba shilaakubasakata. Balaakunootongelabo anga ngumwanakashi ucite lifumo lyabuka. Balaakunoolangilishanya cakukankamana, shiwa kashilokete kunsoni.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 66:7

“Ndabala yangu ili anga ngumwanakashi watumbuka mwaana cakutabukaawo lifumo. Ee, anga ngwalutundu wapulukaamo mwaana musankwa cakutanyonwaawo lifumo.

Mika 4:10

Ondabala ya Siyoni, kosalooka kubuumba bweenka mbuli mwanakashi uli pankanta mukwiinga bulya bantu bako batooswa mundabala inene akuyaka misumba muluundu mutaamu shisamu. Bantu bako balaakutolwa kuBabiloni, sombi uko balaakufunwa, ncakwiila Mwaami Lesa ulaakubalubula kuswa mumaansa a balwani babo.

Mika 4:9

Ono ceebonshi utoolila cakoolobesha? Sa toocite mwaami? Sa beshikukupandako maano bamana kuloba ico cakulengesha kupenga anga ngumwanakashi uli pankanta?

Bene Galatiya 4:27

Mukwiinga muMalembo akwe Lesa mulilembetwe ayi, “Kondwa webo oŋumba! Tangala akoolobesha cakusangalala, webo nootakwe kunyumfwawo shicisa pakushala. Mukwiinga baana ba mwanakashi wakashiyikwa aibaye, mbaanji, kwiinda baabo ba mwanakashi uli aibaye.”

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.