Joni 16:2 - Baibo Busansulushi Bwa Libuku Ili

² Balaakumutanda mushoonde shabo. Ono ciindi cilaakushika bantu beshi bakanoomucaya, ndyeshi bakayeeye ayi batoosebensela Lesa.

Joni 16:2 Marejeleo ya Msalaba

Isaya 65:5

Kuswawaawo balaambila bamwi ayi, ‘Kamusoonoka, mutaseni pafwaafwi anebo mukwiinga ndisalalite abuumbi cakwaamba ayi mwebo tamukonshi kuncata!’ Bantu bamushobo uyo bancimabo anga mbwiishi bwenjila mumashono. Bukali bwangu pali mbabo bulibo anga ngumulilo utashimiki.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Danyelo 11:33

“Bamatanjilili basongo balaakulwiitako baanji pakati ka bantu abo. Sombi kwaciindi ciniini bamatanjilili abo bamwi balaakucaikwa munkondo, bamwi kutentwa, bamwi kupambwa buboni akuwaalwa muntolongo.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 24:9

“Lyalo balaakumutola mukupenshekwa alimwi akumucaya. Bantu ba mishobo yoonse balaakumupata ceebo ca liina lyangu.

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Joni 12:42

Nakubi boobo baanji pakati ka bamaloba ba baJuda bakashoma muli Jesu, ono tebakalinga kutondesha lushomo lwabo mukwiinga bakalinga kuloonda baFalisi ayi inga babatanda mucoonde cabo.

Joni 16:25

“Ndamwaambila shintu ishi mumapinda. Nakubi boobo ciindi cilaakushika ndyeshi nkabule kwaambila mumapinda, sombi ndaakumusansulwita cakutashisa shapali baTa.

Joni 16:32

Ciindi cilaakushikila, ncakwiila cashikila kale cakupalanganishikwa kuya mwanu mwanu. Lyalo mulaakunshiyabo neenka. Sombi nshibete neenka mukwiinga baTa bali anebo lyoonse.

Joni 4:21

Lyalo Jesu wakaamba ayi, “Nankashi, ncakwiila ciindi cilaakushikila ndyeshi mukabule kulambila baTa pakalundu aka nabi kuJelusalemu.

Joni 4:23

Nakubi boobo ciindi cilaakushika alimwi cashika kale, abo beshikulambila baTa ndyeshi bakabalambile mumushimu amulushinisho mukwiinga bamushobo uyo mbobaabo baTa mbobasuni ayi kababalambila.

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Joni 9:34

Lyalo bakamukumbula ayi, “Webo wakashalwa akukula mushibiibi, ino inga watwiishanshi?” Mpomunyaawo bakamutanda mucoonde.

Milimo ya Batumwi 5:33

Boomboloshi ndibakanyumfwa makani aya, bakakalala abuumbi cakwaamba ayi bakalinga kusuni kucaya batumwi.

Milimo ya Batumwi 7:56

Mpeeke wakaamba ayi, “Amunyumfwe! Ndaboona liculu lyacaluka alimwi aMwanaaMuntu uliimfwi kululyo lwakwe Lesa!”

1 Bene Kolinto 4:13

Ciindi ndibatubekesha tulabakumbulabo mumaswi abombu. Ono kushikila cino ciindi twaba anga ngamatombe a cishi ca panshi nabi shintu shisuulitwe kubantu boonse.

Bene Filipi 3:6

Ndakalinga shilunkutwe mukupensha coonde. Kwaamba shabululami buswa mukukonkela Milawo yeenka, ndakaboneka anga ngumuntu utacite shibiibi.

Ciyubululo 6:9

Ndyaakalamatula kalamatila wasanu, panshi lya cipaililo, ndakabona myuuya ya baabo bakacaikwa ceebo cakushimikila maswi akwe Lesa alimwi aceebo ca bukamboni bwancinencine.

Boomboloshi 6:30

Mpomunyaawo bakaambila Joashi ayi. “Leta mwanaako tumucaaye ceebo wamwayulula cipaililo cakwe Baali akutimboola cikoshanyo cakwe Ashela calinga palubasu lwa ncico.”