Joni 16:13 - Baibo Busansulushi Bwa Libuku Ili

¹³ Ono Mushimu wiisha lushinisho pakwisa, lyalo ulaakumutanjilila mushintu shoonse shalushinisho. Ceebo teshi akaambe shaakwe mwiine, sombi ulaakusansulula sheesho nshaakanyumfwa kuli baTa alimwi akumulwiita shintu nsheshi shikese kunembo.

Joni 16:13 Marejeleo ya Msalaba

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Joni 12:49

Ici ncalushinisho mukwiinga nshikwe kwaamba sha mumutwi wangu, sombi baTa abo bakantuma bakandwiita nsheenjelete kwaamba abwakwaamba.

Joni 14:17

Mucafwi uyo nguMushimu Usalashi wiisha shalushinisho. Bamucishi tabakoonshi kumutambula mukwiinga tabamuboni nabi kumwishiba. Sombi mwebo mulimwishi mukwiinga ulekala amwebo alimwi ulaakwikala muli ndimwe.

Joni 14:26

Nakubi boobo Mucafwi, Mushimu Usalashi, uyo baTa ngweshi bakatume muliina lyangu ulaakumwiisha shintu shoonse, akumwiibalusha shintu shoonse nshindakamulwiita.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 15:26

“Ono aakwisa Mucafwi, ngweshi nkamutumine kuswa kuli baTa, Mushimu wiisha shalushinisho uyo uswa kuli baTa, ngweshi akasansulule shapali ndime.

Joni 16:12

“Ndicite maswi akumwaambila aanji, sombi inga tamwaatambuli cakusangalala pacecino ciindi.

Joni 3:32

Lakwe ulaamba shintu nshaakabona akunyumfwa mwiine, nakubi boobo taakuuwo muntu ushoma nshaamba.

Joni 8:38

Nebo ndaamba shintu nshindakabona kuli baTa, sombi mwebo mulacita shintu nshemwakanyumfwa kuli ishiwanu.”

Milimo ya Batumwi 11:28

Lyalo umwi mulikoto lyabo wiitwa ayi Agabasi, wakeemikana akulaluka kwiinda munkusu sha Mushimu Usalashi ayi kulaakuba nsala inene mucishi coonse. (Ici cakacitika Kulodyasi ndyaakalinga Sisa muleli munene wa kuLoma.)

Milimo ya Batumwi 20:23

Ndishibo kwaamba ayi mundabala yoonse inene, Mushimu Usalashi ulancenjesha ayi ntolongo amapensho shilanindilila.

Milimo ya Batumwi 27:24

Lyalo waamba ayi, ‘Utaloondi Paulo! Ulyeelete kuya mukwiimikana kunembo lyakwe Sisa muleli munene wa kuLoma. Lesa lakwe, munkumbu shakwe, walengesha ayi utafwi abaabo boonse mbooli abo mulweendo ulu.’

2 Bene Tesalonika 2:12

Aboobo abo boonse batakwe kushoma shiluleme, bakakondwa shibiibi, Lesa ulaakubapa mulandu.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.

1 Joni 4:6

Sombi swebo tuli bakwe Lesa. Uyo woonse ushi Lesa ulatunyumfwila alimwi uyo woonse uteshi wakwe Lesa taatunyumfwili. Anu mboboobo mbotupusanya Mushimu wancinencine awa bubeshi.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.

Ciyubululo 1:19

Ono aboobo lemba shintu shoonse nshewabona, isho shitoocitika cino ciindi alimwi asheshi shikacitike kunembo.