Joni 15:9 - Baibo Busansulushi Bwa Libuku Ili

⁹ Bweenka mbuli baTa mbobansuni, mboomusuni amwebo. Aboobo amukalilile mulusuno lwangu.

Joni 15:9 Marejeleo ya Msalaba

Joni 17:26

Ndabeeisha kwaamba ayi bamwishibe alimwi ndanoobeeishabo kwaamba ayi lusuno ulo ndomucite pali ndime lube amuli mbabo anebo mbe muli mbabo.”

1 Joni 2:28

Ee, nobana bangu, amukalilile muli nguwe, kwaamba ayi pabushiku ndyeshi akese, tukabule kunyumfwa boowa ansooni.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Joni 15:13

Taaku lusuno lunene muntu ndweenga wabaalo kwiinda loolu lwakwaamba ayi aabe buumi bwakwe ceebo ca babye.

Joni 15:11

“Ndamulwiita shintu ishi kwaamba ayi kusangalala kwangu kube muli ndimwe alimwi akwaamba ayi kusangalala kwanu kushikeewo.

Bene Efeso 3:18

kwaamba ayi mwebo, pantu pomwi abantu bakwe Lesa bamwi boonse, mukonshe kwishiba Klistu mbwaatusunishi alusuno luteelekwi kucintu cili coonse.

Judi 1:20

Sombi mwebo nomusunikwi, amuliyaake mulushomo lwanu lusalalite abuumbi. Munoopaila munkusu sha Mushimu Usalashi.

Joni 3:35

Ishi ulimusuni Mwanaakwe alimwi shintu shoonse wakashibika mumaansaakwe.