Joni 15:8 - Baibo Busansulushi Bwa Libuku Ili

⁸ Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Joni 15:8 Marejeleo ya Msalaba

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Agayi 1:8

Ono bulya kamuyabo mutulundu mukutimbula mapulanga akwisa mukutalika kuyakulula Ŋanda yangu. Lyalo ndaakukondwa muli njiyo akulemekwa bweenka mboonjelete. Nebo neMwaami Lesa ndaamba.

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Mateyo 9:8

Ono bantu boonse ndibakabona cakacitika, bakakankamana abuumbi akutalika kulumba Lesa wakapa bulemu ankusu sha mushobo uyu.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Joni 13:35

Mukwiinga na kamusunene, bantu boonse balaakwishiba ayi muli bashikwiiya bangu.”

Joni 15:5

“Nebo ndi munyansa, mwebo muli misampi. Uyo woonse ukalilila muli ndime anebo muli nguwe, ulaakucata shisepo shiinji. Ceebo kwakubula ndime taaku nceenga mwaciita.

Joni 8:31

Jesu wakaambila baJuda bakamushoma ayi, “Na mukonkele kwiisha kwangu, ncakwiila mutooba bashikwiiya bangu.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

1 Bene Kolinto 6:20

Lesa wakamuula amweelo unene, aboobo amusebenseshe mibili yanu mukumupa bulemu.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Taitasi 2:10

nabi kubeepila shintu. Sombi balyeelete kutondesha ayi balashomeka kwaamba ayi balemeke maswi akwe Lesa Mupulushi wesu mushintu shoonse.

Taitasi 2:5

kuba balitibuka, batacite kampenda, bapisooka paŋanda, bacite nkumbu, banyumfwila bameebaabo kwaamba ayi maswi akwe Lesa atacobolwi.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.