Joni 15:6 - Baibo Busansulushi Bwa Libuku Ili

⁶ Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

Joni 15:6 Marejeleo ya Msalaba

2 Samwelo 23:7

Sombi ulyeelete kusebensesha lisumo nabi cinshimbi cimwi, ncakwiila ilatentwa peenka apo mpweenga keebete.”

Jobo 15:30

Munshinshe wa lufu teshi akoociceewo. Ulaakuba anga ncisamu ico capitwa misampi. Lyalo cipuupu cinene ciswa kuli Lesa cilaakumupepelusha akumutola.

Kulumbaisha 80:15

Kamwisa mupulushe bantu aba mbomwakaleta mucishi cino. Ndimwe mwakabalengesha ayi bashimpe akumena miyanda.

Isaya 14:19

Ono webo wayumbulwabo pantu pomwi abaabo bakacaikwa, ncakwiila abo bakacaikwa kumipeeni. Wawaalwabo ambabo mucuumbwe ca mabwe akulyatoolwa.

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Esekelo 17:9

“Ono nebo neMwaami Lesa Shinkusu shoonse ndeepusha ayi, ‘Sa cisamu ici inga cakomena kabotu? Sa mumbankwashi mutaanshi inga taacitumuni, kupululaako shisepo, kuponsolako misampi alimwi akwiileka ayi iyume? Inga takuyandiki lyaansa lyankusu nabi bantu baanji ayi citumunwe.

Mateyo 13:41

MwanaaMuntu ulaakutuma baanjelo bakwe ayi bakakuushe bantu babisha babyabo abamucita shibi boonse muBweene bwakwe

Mateyo 27:5

Mpomunyaawo Judasi wakawaala maali alya panshi muŊanda yakwe Lesa, akuswa waya mukulyaangilila.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Mateyo 7:19

Cisamu cili coonse citacati shisepo shibotu cilatemwa akuwaalwa mumulilo.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Bene Ebulu 10:27

Sombi cacaala nkunoolindilabo koomboloshekwa kutoosa caboowa alimwi akunoolindila mulilo uloondesha weshi ukanyonyoole balwani bakwe Lesa!

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”