Joni 15:5 - Baibo Busansulushi Bwa Libuku Ili

⁵ “Nebo ndi munyansa, mwebo muli misampi. Uyo woonse ukalilila muli ndime anebo muli nguwe, ulaakucata shisepo shiinji. Ceebo kwakubula ndime taaku nceenga mwaciita.

Joni 15:5 Marejeleo ya Msalaba

Tushimpi 11:30

Cisepo ca bululami mbuumi. Uyo utanjilila bantu kubululami ngumusongo.

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

Mateyo 13:21

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Joni 12:24

Ntoomulwiita calushinisho ayi luseke lwa maila, na lwabula kulokela mubulongo akufwa, inga kalulibo lomwi lyoonse, sombi na lwalokela mubulongo akufwa, lyalo inga lwashala ashimwi shiinji.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Joni 5:19

Mpomunyaawo wakabakumbula ayi, “Ntoomulwiita calushinisho ayi Mwaana taaku nceenga wacita palwaakwe mwiine. Sombi ulacitabo ncaabona baIshi kabacita. Shicita baIshi alakwe Mwaana nshaacita.

Joni 9:33

Muntu uyu naatakwe kuswa kuli Lesa, naakwiinga taaku ncaacita.”

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Bene Loma 12:5

Mbweeke ubo, nakubi kwaamba ayi tuli baanji, tuli mubili womwi muli Klistu. Aboobo twakacatanishikwa pantu pomwi bweenka mbuli shipansha sha mubili womwi.

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Bene Loma 7:4

Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

1 Bene Kolinto 10:16

Sa te nditunwita munkomeshi iyo njetulumba kuli Lesa, tulabaana bulowa bwakwe Klistu? Nditulya shinkwa uyo ngotukomoona, sa te tulabaana mubili wakwe Klistu?

1 Bene Kolinto 12:12

Klistu uli anga ngumubili womwi ucite shipansha shiinji. Nabi ulicite shipansha shiinji, ngumubili womwi.

1 Bene Kolinto 12:27

Ono mwebo noonse muli mubili wakwe Klistu alimwi womwi awomwi pakati kanu ncipansha cakwe.

2 Bene Kolinto 13:8

Mukwiinga swebo tatukoonshi kucita shiteendelani ashalushinisho, sombi kucita shalushinisho.

2 Bene Kolinto 9:10

Lesa ngoopa mbuto muntu kwaamba ayi ashange alimwi ulapa acakulya. Aboobo ulaakumupa mbuto njemukonsha kushanga akukomenesha shishango shanu. Lyalo ceebo ca nkumbu shanu ulaakulengesha ayi mukatebule shiinji.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Efeso 5:9

Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

1 Pita 2:4

Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.