Joni 15:25 - Baibo Busansulushi Bwa Libuku Ili

²⁵ Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Joni 15:25 Marejeleo ya Msalaba

Kulumbaisha 109:3

Balaamba shintu shibiibi pali ndime, ndushinisho balandwana pataapu aceebo.

Kulumbaisha 35:19

Mutasuminishi balwani bangu, babeshi, kulisumpwita pali ndime kwiinda mukunkoma. Mutabaleeki bantu aba bampatitebo kutaaku ancindakacita kunangilisha meenso abiibi.

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Mateyo 10:8

Mukashilike balwashi, mukabushe bafu, akushilika bashimanata, alimwi akukusha bashikaswa. Mwapekwabo, amwebo mukapebo.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 10:34

Jesu wakakumbula ayi, “Sa muMilawo yanu tamulembetweewo ayi Lesa wakaamba ayi, ‘Muli balesa.’

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Joni 19:36

Ishi shintu shakacitika kweelana abwaamba Malembo akwe Lesa ayi, “Taaku cifuwa cakwe nabi comwi ceshi cikatyoke”

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Loma 3:24

Sombi Lesa kwiinda muluse lwakwe lwabupebo, ulalulamika bantu kwiinda muli Jesu Klistu uyo wakabaangulula.

2 Bene Kolinto 11:7

Ndakalibombya kwaamba ayi mwebo musumpulwe ceebo ndakamushimikila Makani Abotu akwe Lesa cakutamulipilisha. Sa ndakabisha kucita boobo?

Bene Galatiya 2:21

Nshintookaka luse lwakwe Lesa. Ceebo muntu na inga walulamikwa pameenso akwe Lesa kwiinda muMilawo, nkokwaamba ayi Klistu taaku ncaakafwita.

2 Bene Tesalonika 3:8

alimwi tatukwe kulyawo cakulya ca kutalilipilila swebo sobeene. Sombi twakalinga kusebensa cankusu mashiku amalumwi ceebo tetwakalinga kusuni kupensha muntu nabi womwi mushintu nshetwakalinga kuyanda mubuumi bwesu uko.

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.