Joni 15:22 - Baibo Busansulushi Bwa Libuku Ili

²² Nintakwe kwisa mukubaiisha, naakwiinga tabacite mulandu pacibiibi cabo, sombi tabacite amwakuyubila.

Joni 15:22 Marejeleo ya Msalaba

Esekelo 2:5

Nabi bakanyumfwe nabi batakanyumfwi ceebo mbaashu, balaakwishiba ayi palinga mulaluki pakati kabo.

Luka 12:46

Mwaami wa musebenshi uyo ulaakwisa pabushiku mbwaatengashite aciindi ncaateshi. Ulaakumupa mulandu akumuwaala kooko nkweshi kukanooli batashomeki.

Joni 12:48

Uyo woonse ukaka ndime amaswi angu ulicite umwi eshi akamoomboloshe. Maswi ayo ngondaamba ngweshi akamoomboloshe pabushiku bwakweelaako.

Joni 15:23

Uyo upatite ndime ulipatite abaTa.

Joni 15:24

Nintakwe kucita shintu pali mbabo isho shitana kucitawo kale muntu nabi womwi, naakwiinga tabacite mulandu pacibiibi cabo. Nabi bakabona shintu shoonse ishi, bakatupata soonse, nebo abaTa.

Joni 16:9

Ulaakubashinina pacikani cakubisha ceebo tabashomi muli ndime.

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

Joni 9:41

Jesu wakabaambila ayi, “Nemwalinga boofu naakwiinga kamutacite mulandu ceebo ca shibiibi shanu. Ono mukwiinga mutokwaamba ayi, ‘Tulabona,’ nkokwaamba ayi munanoolibo amulandu wanu.”

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

Bene Loma 1:20

Kuswabo lyeelyo Lesa ndyaakalenga cishi, bantu balakonsha kwishiba cakutatonsha kwaamba ayi nkusu shakwe tasheeli alimwi ayi ndushinisho nguLesa. Bantu balakonsha kwishiba shintu ishi kwiinda musheesho nshaakalenga. Aboobo taaku mpweenga bayubila mulandu.

Bene Loma 2:1

Omweensuma, webo nowoombolosha babyo, taaku mpweshi ukayubile mulandu, nabi ubaani. Ceebo ndiwoombolosha bamwi pabubi bweenka mboocita, awebo utolishinina omwiine.

Jemusi 4:17

Kulilabo muntu ushi nshaaelete kucita ono kaatashiciiti, ulabisha.

1 Pita 2:16

Amwikale mbuli bantu baangulukite, kutasebensesha lwaanguluko lwanu ayi lube cakufwekesha bubi, sombi amwikale mbuli basebenshi bakwe Lesa.