Joni 15:21 - Baibo Busansulushi Bwa Libuku Ili

²¹ Sombi balaakucita shintu shoonse ishi pali ndimwe ceebo ca liina lyangu mukwiinga tabamwishi uyo wakantuma.

Joni 15:21 Marejeleo ya Msalaba

Kulumbaisha 69:7

Nceebo cakulambila ndimwe nceentukaninwa, alimwi nceenyendela aciwa cilokete kunsoni.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Mateyo 10:18

Balaakumutola kubaleli abamaami ceebo ca liina lyangu, kwaamba ayi mukape bukamboni pameenso abo alimwi akubaswamashi bakunsengwe.

Mateyo 10:22

Bantu boonse balaakumupata ceebo ca ndime. Sombi uyo eshi akayuminine kushikila kumamanino a mapensho aya, ulaakupulushikwa.

Mateyo 10:39

Uyo woonse usunishi buumi bwakwe ulaakubusowa, sombi uyo usowa buumi bwakwe ceebo ca ndime, ulaakubucana.

Mateyo 24:9

“Lyalo balaakumutola mukupenshekwa alimwi akumucaya. Bantu ba mishobo yoonse balaakumupata ceebo ca liina lyangu.

Mateyo 5:11

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Maako 13:13

Bantu boonse balaakumupata ceebo ca liina lyangu. Sombi uyo eshi akayuminine kushikila kumamanino a mapensho aya ulaakupulushikwa.

Luka 21:12

Sombi shoonse ishi kashitana kucitika, mulaakwaangwa akupenshekwa. Mulaakutolwa mushoonde sha baJuda mukoomboloshekwa akubikwa muntolongo. Mulaakwiimikana kunembo lya bamaami abaleli ceebo ca liina lyangu.

Luka 21:17

Bantu boonse balaakumupata ceebo ca liina lyangu.

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Joni 15:24

Nintakwe kucita shintu pali mbabo isho shitana kucitawo kale muntu nabi womwi, naakwiinga tabacite mulandu pacibiibi cabo. Nabi bakabona shintu shoonse ishi, bakatupata soonse, nebo abaTa.

Joni 16:3

Balaakucita boobo mukwiinga tababeshi baTa anebo tabenshi.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Joni 8:19

Lyalo bakamwiipusha ayi, “Ino baiso bali kuli?” Jesu wakabakumbula ayi, “Nebo tamwinshi, abaTa tamubeshi. Naakwiinga mwalinga kwishi ndime, abaTa nemwalinga kubeshi.”

Joni 8:54

Jesu wakakumbula ayi, “Ono na ntoolipa bulemu nemwiine, ingayi bulemu bwangu taaku mbobubete. Nebo mbaTa abo beenka mbomwaamba ayi ngoLesa wanu, mbobampa bulemu.

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

Milimo ya Batumwi 17:23

Mukwiinga ndindakalinga kweendeenda mundabala yanu inene umu, ndakabona misena njemupaililaamo pamwi pacipaililo kapalembetwe ayi, ‘Kuli Lesa Utashibikitwe.’ Anu uyo eenka ngomulambila kamutamwishi, ngowooyo ngoontoomulwiitaawo bulya.

Milimo ya Batumwi 26:9

“Palwaangu ndakalinga kuyeeya kucita cintu cili coonse nceenga cakonsha kunyonyoola makani akwe Jesu wa kuNasaleti.

Milimo ya Batumwi 3:17

“Ono nobamakwesu, ndishi kwaamba ayi mwebo abamatanjilili banu mwakacita sheeshi kuli Jesu mukutashiba.

Milimo ya Batumwi 4:17

Ono kwaamba ayi cikani ici citanyumfwiki bunene kubantu baanji, atubakonkomeshebo bantu aba ayi batakabooshiiwo lyobilo kwaambila muntu nabi womwi muliina lyakwe Jesu.”

Milimo ya Batumwi 5:41

Batumwi ndibakaswa muboomboloshi, bakalinga kukondetwe abuumbi ceebo Lesa wakabona kwaamba ayi balyeelete kupenshekwa ceebo cakwe Jesu.

Milimo ya Batumwi 9:14

Ono alimwi wesa kokuno kuDamasikasi munkusu sha bamatanjilili ba bapailishi, abo bakamusuminisha ayi ese aange bantu boonse abo balambila ndimwe.”

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

1 Bene Kolinto 2:8

Taaku nabi womwi pakati ka beendeleshi bamucishi wakalinga kwishi busongo ubu ceebo nebakalinga kubwishi, naakwiinga tabakwe kupopa Mwaami wa bulemu pamucilingano.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

3 Joni 1:7

Mukwiinga bakatalika lweendo lwabo ceebo cakwe Klistu, akukaka kutambula lucafwo kuswa kubakunsengwe.

Ciyubululo 2:3

Watolelela kupenshekwa ceebo ca ndime alimwi tookwe kutyongola, sobwe.