Joni 15:2 - Baibo Busansulushi Bwa Libuku Ili

² Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Joni 15:2 Marejeleo ya Msalaba

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Kulumbaisha 92:14

Shilanoocicata shisepo nabi shacembela, shilaakunooshimpitebo aalo matewu alaakunoocilibo atontola.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Malaki 3:3

Ulaakusalasha bantu bweenka shikusungulula silifa mbwaaubotesha mumunyumbi. Nkokwaamba ayi bweenka shikupanga sheela mbwaabotesha silifa agolodi mumunyumbi, mbweeke ubo muntu wa Mwaami Lesa uyo mbweshi akasalashe bapailishi ayi bakanoobenga milambu yeelete kuMwaami Lesa.

Mateyo 13:12

Mukwiinga uyo ucite kale ulaakubikilwaawo, aboobo ulaakuba ashiinji. Sombi ucite kaniini ulaakunyaikwa nabi kaako koonse nkaacite.

Mateyo 13:33

Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

Mateyo 15:13

Jesu wakakumbula ayi, “Mbewu ili yoonse njebatakwe kushanga baTa bali kwiculu ilaakutumunwa.

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Mateyo 25:29

Ceebo uyo woonse ucite kale ulaakupekwa ashimwi. Sombi uyo ucite kaniini ulaakunyaikwa akaako koonse nkaacite.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Mateyo 7:19

Cisamu cili coonse citacati shisepo shibotu cilatemwa akuwaalwa mumulilo.

Maako 4:20

Sombi bantu bamwi bali anga nimbuto yakashangwa mubulongo bubotu. Balanyumfwa maswi akwe Lesa, baatambula, baashoma alimwi akucata shisepo. Bamwi balacata shili makumi otatwe, bamwi makumi osanwe alyomwi alimwi bamwi mwaanda.”

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Joni 15:1

“Nebo ndi munyansa wancinencine alimwi baTa mbobene muunda.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Joni 15:3

Mwebo mwasalashikwa kale kwiinda mumaswi ngondamwaambila.

Joni 15:6

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

Joni 15:8

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Joni 17:12

Ndindakalingaabo, ndakabalama muliina lyanu ilyo ndimwakampa. Ndakabafuna kabotu alimwi taaku nabi womwi pakati kabo wakasoweka, sombibo wooyo wakalinga kweelete kunyonyooka, kwaamba ayi shilembetwe muMalembo anu shicitike cancinencine.

Bene Loma 11:17

Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.

Bene Loma 11:22

Ono mulyeelete kwishiba ayi Lesa ngushinkumbu alimwi ngumukali. Ngumukali kubaabo bakabisha, sombi ulicite nkumbu kuli ndimwe, kulilabo na kamucita sheesho nsheenga shaleta nkumbu shakwe. Sombi na mwabula kucita boobo, Lesa ulaakumutyola amwebo.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

1 Bene Kolinto 13:1

Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.