Joni 15:15 - Baibo Busansulushi Bwa Libuku Ili

¹⁵ Teshi kamwiiteewo ayi basebenshi ceebo musebenshi taashibi shitoocita mwaami wakwe. Sombi ntoomwiita ayi babyaanji ceebo shoonse nshendakanyumfwa kuli baTa, ndakamulwiita.

Joni 15:15 Marejeleo ya Msalaba

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Tushimpi 18:24

Kuli beshishibusa baliboneshabo ayi mulanyumfwana, sombi inga kakuli womwi ngoonyumfwanaakwe kwiinda amukwanu.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Luka 10:23

Mpomunyaawo wakalanga kubashikwiiya bakwe akubaambila kulubasu ayi, “Balicite coolwe abo babona shintu ishi nshemubona!

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 13:16

Ntoomulwiita calushinisho ayi, taaku musebenshi wiinda mwaami wakwe alimwi taaku mutumwi wiinda wooyo wakamutuma.

Joni 15:20

Amwiibaluke maswi ngondakamwaambila ayi, ‘Musebenshi taindi mwaami wakwe.’ Na nebo bakampensha amwebo balaakumupensha. Na bakakonkela kwiisha kwangu amwebo kwiisha kwanu balaakukukonkela.

Joni 16:12

“Ndicite maswi akumwaambila aanji, sombi inga tamwaatambuli cakusangalala pacecino ciindi.

Joni 17:26

Ndabeeisha kwaamba ayi bamwishibe alimwi ndanoobeeishabo kwaamba ayi lusuno ulo ndomucite pali ndime lube amuli mbabo anebo mbe muli mbabo.”

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

Joni 4:19

Mwanakashi uyo wakaamba ayi, “Nkambo, ndeshiiba ono ayi muli balaluki.

Joni 8:26

Ndicite makani aanji akwaamba, ngeenga ndamoombolosheshaawo, sombi uyo wakantuma ulashomeka alimwi shoonse nshindakanyumfwa kuli nguwe, nshesheesho nshendwiita bantu boonse.”

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Bene Loma 7:15

Nshishi na nciinshi nceencita ceebo nshiciti ceeco nceensuni ayi ncite, sombi ndacita ceeco nceempatite.

1 Bene Kolinto 2:16

Bweenka bwaamba Malembo akwe Lesa ayi, “Ngani ushi miyeeyo ya Mwaami Lesa alimwi ngani weenga wamulwiita shakucita?” Ono swebo tulicite miyeeyo yakwe Klistu.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Efeso 3:5

Mushiindi shakeenda, bantu tabakwe kulwiitwaawo muyeeyo uyu wabushishi. Sombi bulya Lesa waciyubulula kubatumwi alimwi abalaluki bakwe basalalite kwiinda muMushimu Usalashi.

Bene Kolose 1:26

Maswi ayo ancinencine akalinga kushisitwe lyoonse kumashalane oonse, ono bulya Lesa waayubulula kubantu bakwe.

Filimoni 1:16

Ono bulya taabetebo musha, sombi uleenda pamusha, ngumukwanu usunikwi muli Klistu. Nebo ndimusuni abuumbi, sombi kuli ndiwe ulaakwiindaawo mukwiinga ngumusha wako alimwi ngumukwanu muMwaami Jesu.

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

Jemusi 2:23

Ono cakacitika cancinencine kweelana aMalembo akwe Lesa aamba ayi, “Abulaamu wakashoma Lesa, aboobo kwiinda mulushomo lwakwe, Lesa wakamubona ayi uliluleme akumutambula.” Paceebo nceeco Lesa wakamwaamba ayi ngumubye.

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Ciyubululo 1:1

Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.