Joni 15:10 - Baibo Busansulushi Bwa Libuku Ili

¹⁰ Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Joni 15:10 Marejeleo ya Msalaba

2 Samwelo 22:22

Ncakwiila ndakonkela nshila sha Mwaami Lesa, nshikwe kubisha kwiinda mukufutatila Lesa wangu.

2 Baami 18:6

Wakalinga kushomeka kuMwaami Lesa alimwi taakwe kusuulawo milawo iyo mwaami Lesa njaakapa Mose.

Kulonga 7:6

Mpeeke Mose aAloni bakacita kweelana aMwaami Lesa bwakabalasha

Isaya 50:5

Mwaami Lesa wakampa busongo bwakunyumfwishisha shintu. Nshikwe kumwaashukilaawo nabi kumufutatilaawo.

Joni 10:18

Taaku muntu weenga wanyaya buumi, ntoobwaaba nemwiine mukuyanda kwangu. Ndicite nkusu sha kubwaaba akububoosha. Uyu ngomulawo wakampa baTa.”

Joni 12:49

Ici ncalushinisho mukwiinga nshikwe kwaamba sha mumutwi wangu, sombi baTa abo bakantuma bakandwiita nsheenjelete kwaamba abwakwaamba.

Joni 14:15

“Na mulinsuni, munanoolama milawo yangu.

Joni 14:21

Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Joni 14:31

sombi ntoocitabo kweelana ambobakandasha baTa kwaamba ayi bantu ba mucishi beshibe ayi baTa ndibasuni. “Amunyamuke ono tunooya.

Joni 17:4

Ndamuletela bulemu pacishi pano kwiinda mukumanisha mulimo ngomwakantuma.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 8:29

Uyo wakantuma uli anebo, taakwe kunshiya neenka mukwiinga lyoonse ndacita shimukondelesha.”

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

1 Bene Kolinto 7:19

Ceebo kupalulwa nabi kutapalulwa taaku mbocibete. Cinene nkulama milawo yakwe Lesa.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

2 Pita 2:21

Naakwiinga cakabota kuli mbabo kuteshibaawo nshila ya bululami, kwiinda kwaamba ayi beshibe, sombi alimwi pesule baalookile mulawo usalalite wakabapa Lesa.

1 Joni 2:3

Na tulakonkela milawo yakwe Lesa, anu inga tweshiba kwaamba ayi tulimwishi.

1 Joni 2:5

Sombi uyo ukonkela maswi akwe Lesa, lusuno lwakwe Lesa luli muli nguwe cakumaninina. Mboboobo mbotwishiba ayi tuli muli nguwe cancinencine.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.

1 Joni 5:3

Kusuna Lesa, nkukonkela milawo yakwe. Milawo yakwe Lesa teshi iyumu

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.