Joni 15:1 - Baibo Busansulushi Bwa Libuku Ili

¹ “Nebo ndi munyansa wancinencine alimwi baTa mbobene muunda.

Joni 15:1 Marejeleo ya Msalaba

Lwiimbo lwakwe Solomoni 7:12

Katiya bwangu kumyuunda ya minyansa. Tiya tukabone na minyansa yasapula maluba, ee, tukabone na maluba atalika kufunguluka. Katiya tukabone na mapomegilaneti alicite maluba. Lyalo uko ndaakukutondesha lusuno lwangu.

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Esekelo 19:10

“Nyoko wakalinga anga ncisamu ca munyansa mumuunda wa nguwo, munyansa uyo wakashangwa kweela maanshi. Cisamu ico cakalinga kucata shisepo alimwi cakalinga kucite misampi iinji abuumbi ceebo kwakalinga maanshi aanji.

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Sekaliya 3:8

“ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.

Mateyo 15:13

Jesu wakakumbula ayi, “Mbewu ili yoonse njebatakwe kushanga baTa bali kwiculu ilaakutumunwa.

Mateyo 20:1

“Mukwiinga Bweene bwa kwiculu bulikoshenye amuntu wakafuma macuunsa, kuya mukwinjisha bantu beshikusebensa mumuunda wakwe wa minyansa.

Mateyo 21:33

Jesu wakabaambila ayi, “Amunyumfwe cikoshanyo acimwi. Kwakalinga muntu wakalima muunda wa minyansa, akuyakilako lushito mweela muunda. Wakakaba cilindi cakutyaninamo minyansa alimwi akuyaka katungu kalaamfu kakulindililamo muunda. Lyalo wakoobwelekesha balimi bamwi, akuya lweendo kucishi cimwi.

Maako 12:1

Jesu wakatalika kubeeisha mushikoshanyo. Wakabaambila ayi, “Kwakalinga muntu wakalima muunda wa minyansa akuyakilako lushito mweela muunda. Wakakaba cilindi cakutyaninamo minyansa, alimwi akuyaka katungu kalaamfu kakulindililawo muunda. Mpomunyaawo wakoobwelekesha balimi bamwi, lyalo wakaya lweendo kucishi cimwi.

Luka 13:6

Kuswawaawo Jesu wakabaambila cikoshanyo ici ayi, “Kwakalinga muntu umwi wakalinga kucite cisamu ca mukuyu cakalinga kushangitwe mumuunda wa shisepo. Bumwi bushiku wakaya kucisamu ayi akabonemo nkuyu, sombi taakwe kushicana.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joni 1:9

Uyu ngoMumuni wancinencine wakesa mucishi ca panshi mukumunikila bantu boonse.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Joni 6:32

Jesu wakaamba ayi, “Ntoomulwiita calushinisho ayi teshi Mose wakamupa cakulya ciswa kwiculu, sombi baTa mbobapa cakulya cancinencine ciswa kwiculu.

Joni 6:55

Mukwiinga mubili wangu ncecakulya cancinencine abulowa bwangu ncecakunwa cancinencine.

Bene Loma 11:17

Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

1 Joni 2:8

Nakubi boobo mulawo uyu ngoontoomulembela ngupya mukwiinga lushinisho lwa nguwo lulaboneka muli Klistu alimwi amuli ndimwe. Ono munshinshe utooya cimana alimwi mumuni wancinencine watalika kale kubala.