Joni 14:7 - Baibo Busansulushi Bwa Libuku Ili

⁷ Nemwalinga kwinshi kabotu, abaTa nemwalinga kubeshi. Nakubi boobo kuswa sunu mwabeshiba alimwi mwababona.”

Joni 14:7 Marejeleo ya Msalaba

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 15:24

Nintakwe kucita shintu pali mbabo isho shitana kucitawo kale muntu nabi womwi, naakwiinga tabacite mulandu pacibiibi cabo. Nabi bakabona shintu shoonse ishi, bakatupata soonse, nebo abaTa.

Joni 16:3

Balaakucita boobo mukwiinga tababeshi baTa anebo tabenshi.

Joni 17:21

Ntoobapailila kwaamba ayi boonse babe womwi. Ta ababe muli ndiswe, bweenka amwebo mbomuli muli ndime anebo mbombete muli ndimwe. Ababe womwi kwaamba ayi bantu boonse bakashome ayi ndimwe mwakantuma.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 17:26

Ndabeeisha kwaamba ayi bamwishibe alimwi ndanoobeeishabo kwaamba ayi lusuno ulo ndomucite pali ndime lube amuli mbabo anebo mbe muli mbabo.”

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 17:6

“Abo batumwi mbomwakapatula kuswa mubantu boonse akumpa, ndabeeisha kwaamba ayi bamwishibe. Bakalinga baanu, sombi mwakampa alimwi bakonkela maswi anu.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Joni 6:46

Taaku muntu wakabonaawo kale baTa, sombibo eenka uyo wakaswa kuli Lesa ngowakababona.

Joni 8:19

Lyalo bakamwiipusha ayi, “Ino baiso bali kuli?” Jesu wakabakumbula ayi, “Nebo tamwinshi, abaTa tamubeshi. Naakwiinga mwalinga kwishi ndime, abaTa nemwalinga kubeshi.”

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

1 Joni 2:13

Ntoolembela ndimwe nobamashali bangu basankwa mukwiinga mulimwishi uyo wakalingaako kuswabo kumatalikilo. Ntoolembela ndimwe, nobasankwa bacikula bwangu ceebo mwakoma Mubiibi ulya.