Joni 14:3 - Baibo Busansulushi Bwa Libuku Ili

³ Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.

Joni 14:3 Marejeleo ya Msalaba

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 14:28

Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime.

Joni 14:4

Ncakwiila nshila iya kooko nkoontooya muliishi kale.”

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Milimo ya Batumwi 1:11

Basankwa abo bakabaambila ayi, “Mwebo nobene Galili, ceebonshi mweemikana paapo akulanga kwiculu? Uyu Jesu watolwa kwiculu kuswa kuli ndimwe, ulaakuboola alimwi bweenka mbuli mbomwamubona kaaya.”

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Bene Filipi 1:23

Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

2 Bene Tesalonika 1:12

Mukucita boobo, liina lya Mwaami wesu Jesu lilaakupekwa bulemu ceebo canu. Amwebo ulaakumulengesha kuba abulemu. Shoonse ishi shilaakucitika ceebo ca luse lwakwe Lesa wesu alwa Mwaami Jesu Klistu.

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’