Joni 14:21 - Baibo Busansulushi Bwa Libuku Ili

²¹ Uyo usumina milawo yangu akucita mboyaamba, ngowooyo unsuni. Uyo usuni ndime, abalo baTa balaakumusuna, anebo ndaakumusuna akuliyubulula kuli nguwe.”

Joni 14:21 Marejeleo ya Msalaba

2 Baami 18:6

Wakalinga kushomeka kuMwaami Lesa alimwi taakwe kusuulawo milawo iyo mwaami Lesa njaakapa Mose.

Kulumbaisha 35:27

Sombi abo batoolilila kubona kubula mulandu kwangu abeembe cakusangalala akukondwa, Abaambe lyoonse ayi, “Ulicite nkusu Mwaami Lesa uyo ulengesha musebenshi wakwe kwikala muluumuno.”

Kulonga 33:18

Lyalo Mose wakaamba ayi, “Ndamusenga ayi mumboneshe bulemu bwanu.”

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Jelemiya 31:31

Mwaami Lesa waamba ayi, “Inshiku shilaakwisa, ndyeshi nkapange cipangano cipya abene Isilaeli alimwi abene Juda.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Joni 14:15

“Na mulinsuni, munanoolama milawo yangu.

Joni 14:18

“Teshi nkamushiye nweenka anga mbana banshiwa, ndaakwisa alimwi kuli ndimwe.

Joni 15:14

Na kamukonkela kwiisha kwangu, nkokwaamba ayi muli babyaanji.

Joni 16:14

Ulaakundetela bulemu mukwiinga ulaakubwesa maswi angu akumusansulwita.

Joni 16:27

ceebo baTa beene balimusuni. Balimusuni ceebo mulinsuni alimwi mwakashoma ayi ndakaswa kuli Lesa.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Milimo ya Batumwi 22:18

Ndakabona Mwaami kaandwiita ayi, ‘Fwambaana, swaamo muJelusalemu muno mukwiinga bantu teshi banyumfwe makani apali ndime ngweshi ubalwiite.’

2 Bene Kolinto 12:8

Ndakapaila kuli Lesa mankanda otatwe kwaamba ayi cintu ici acikusheemo.

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Dutolonomi 11:13

“Ono aboobo amukonkele milawo njendamupa sunu. Amusune Mwaami Lesa, Lesa wanu akumusebensela amyoyo yanu yoonse alimwi abuumi bwanu boonse.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

2 Timoti 4:22

Mwaami abe awebo. Luse lwakwe Lesa lube amwebo noonse.

1 Joni 2:5

Sombi uyo ukonkela maswi akwe Lesa, lusuno lwakwe Lesa luli muli nguwe cakumaninina. Mboboobo mbotwishiba ayi tuli muli nguwe cancinencine.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

1 Joni 5:3

Kusuna Lesa, nkukonkela milawo yakwe. Milawo yakwe Lesa teshi iyumu

2 Joni 1:6

Lusuno ndoontokwaamba ndwakwaamba ayi tulyeelete kukonkela milawo yakwe Lesa kweelana ambomwakanyumfwa kuswa kumatalikilo, nkokwaamba ayi noonse mulyeelete kusunana.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Ciyubululo 3:20

Bona, ndiimfwi pamulyango ntookonkoonsha. Uyo woonse weshi anyumfwe liswi lyangu akucalula cisasa, ntoonjila muŋanda yakwe, kwaamba ayi nebo anguwe tulite pantu pomwi.