Joni 14:2 - Baibo Busansulushi Bwa Libuku Ili

² Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena.

Joni 14:2 Marejeleo ya Msalaba

Luka 14:22

Ndyaakaboola musebenshi wakaamba ayi, ‘Nkambo, ndaciita kweelana ambomwaŋambila, ono musena moocili.’

Joni 13:33

Nobana bangu, ndanooli amwebo kwaciindi ciniini. Mulaakunangoola, sombi ntoomulwiita bweenka mbondakalwiita baJuda ayi, ‘Uko nkoontooya, mwebo inga tamuyiiko.’

Joni 13:36

Simoni Pita wakeepusha Jesu ayi, “Nkambo, ino mutooya kuli?” Jesu wakakumbula ayi, “Uko nkoontooya tookoonshi kunkonkela bulya, sombi ulaakunkonkela kunembo.”

Joni 14:28

Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime.

Joni 16:4

Sombi ndamulwiitila limwi shintu ishi ayi ciindi caakushikila mukeebaluke ayi ndakamulwiitaawo kale. “Kumatalikilo nshikwe kumulwiitila limwi makani aya ceebo ndakalingaanu.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

1 Bene Tesalonika 5:9

Lesa taakwe kutusala ayi tukabone bukali bwakwe, sombi kwaamba ayi tukapulushikwe kwiinda muMwaami Jesu Klistu.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Bene Ebulu 11:10

Mukwiinga Abulaamu wakalinga kulangila ndabala inene amaanda acite lwiimbi lutamaani, iyo Lesa mwiine njaakayeeya mbweshi ikabe alimwi akuyaka.

Bene Ebulu 13:14

Mukwiinga pano pacishi ca panshi tatucite ndabala inene njeenga twekalililaamo, sombi tutoolangila ndabala inene itoosa.

Bene Ebulu 6:20

Ceebo ca ndiswe, Jesu wakatutanjilila kwinjila mumusena usalalite uyo akuba Mupailishi Munene wamuyayaya, bupailishi buli mbuli bwakwe Melikisedeki.

Bene Ebulu 9:8

Munshila iyi, Mushimu Usalashi uleeisha patuba ayi taaku nshila yakwiinjililamo muMusena Usalalite Wiindaawo kulilabo Tente itaanshi kaicisebensa.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 21:2

Ndakabona andabala inene isalalite ya Jelusalemu keeswa kwiculu kuli Lesa. Yakalinga kubambitwe, anga ngumwanakashi utokweebwa uyo walibambila kuya kuli ibaye.

Ciyubululo 3:12

Uyo weshi akakome, ndaakulengesha ayi akabe licinko lya muŊanda yakwe Lesa wangu alimwi teshi akasweemo. Pali nguwe ndaakulemba liina lyakwe Lesa wangu alimwi alya ndabala inene yakwe Lesa wangu, nkokwaamba ayi Jelusalemu ipya, iyo njeshi ikaswe kwiculu kuli Lesa wangu. Ndaakulemba aliina lyangu lipya pali nguwe.’

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’