Joni 14:10 - Baibo Busansulushi Bwa Libuku Ili

¹⁰ Sa tooshomi kwaamba ayi ndimuli baTa, abalo baTa bali muli ndime? Maswi ngoomulwiita taaswi muli ndime nemwiine, sombi muli baTa bekala muli ndime, mbobasebensa milimo yabo.

Joni 14:10 Marejeleo ya Msalaba

Joni 10:30

Nebo abaTa tulibo womwi.”

Joni 10:38

Sombi na ndaicita nabi mubule kushoma muli ndime, mushomebo mumilimo njeencita kwaamba ayi mwishibe akunyumfwishisha ayi baTa bali muli ndime, anebo ndi muli baTa.”

Joni 11:26

Alakwe uyo woonse muumi ushoma muli ndime teshi akafweewo. Sa ulashoma boobo?”

Joni 12:49

Ici ncalushinisho mukwiinga nshikwe kwaamba sha mumutwi wangu, sombi baTa abo bakantuma bakandwiita nsheenjelete kwaamba abwakwaamba.

Joni 14:11

Mulyeelete kushoma na ndaamba ayi ndimuli baTa, abalo baTa bali muli ndime, nabibo kushoma shaankamiko nsheencita.

Joni 14:20

Pabushiku ubo mulaakwishiba ayi ndimuli baTa, amwebo muli muli ndime, bweenka mboondi muli ndimwe anebo.

Joni 14:24

Sombi uyo woonse utansuni taakonkeli kwiisha kwangu. Aya maswi ngomutoonyumfwa teeshi angu nemwiine, alaswa kuli baTa abo bakantuma.

Joni 17:8

Ceebo ndakabeeisha maswi ayo ngomwakandasha alimwi bakaatambula. Balishi kwaamba ayi ncakwiila ndakaswa kuli ndimwe, alimwi balashoma ayi ndimwe mwakantuma.

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”

Joni 5:17

Jesu wakabakumbula ayi, “BaTa balasebensa ciindi coonsebo, aboobo anebo ndyeelete kusebensa.”

Joni 5:19

Mpomunyaawo wakabakumbula ayi, “Ntoomulwiita calushinisho ayi Mwaana taaku nceenga wacita palwaakwe mwiine. Sombi ulacitabo ncaabona baIshi kabacita. Shicita baIshi alakwe Mwaana nshaacita.

Joni 7:16

Jesu wakakumbula ayi, “Kwiisha uku teshi kwangu, sobwe, sombi kulaswa kuli baTa abo bakantuma.

Joni 8:28

Aboobo Jesu wakabaambila ayi, “Mwaakwaanjika MwanaaMuntu, ndyeshi mukashibe ayi ndime wooyo ngoontoolyaamba alimwi mulaakwishiba ayi taaku nceencita palwaangu, sombi ndaambabo sheesho shakanjiisha baTa.

Joni 8:38

Nebo ndaamba shintu nshindakabona kuli baTa, sombi mwebo mulacita shintu nshemwakanyumfwa kuli ishiwanu.”

Joni 8:40

Ono mpaapa mutoopinga kuncaya nebo nendamwaambila makani alushinisho ngondakanyumfwa kuli Lesa. Abulaamu taakwe kucitawo shintu sha mushobo uyu, sobwe.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

Bene Kolose 1:19

Mukwiinga Lesa cakamukondelesha kwaamba ayi bulesa bwakwe boonse bwikale muli nguwe.

Bene Kolose 2:9

Mukwiinga muli Klistu bulesa boonse bulekala mumubili wa buntu

1 Joni 5:7

Kuli bakamboni botatwe,