Joni 13:8 - Baibo Busansulushi Bwa Libuku Ili

⁸ Pita wakaamba ayi, “Tamweelete kunsansha, sobwe!” Jesu wakamukumbula ayi, “Na mbule kukusansha, teshi unoocili shikwiiya wangu.”

Joni 13:8 Marejeleo ya Msalaba

Matalikilo 42:38

Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

1 Baami 12:16

Bantu ndibakabona kwaamba ayi mwaami teshi abanyumfwile, bakoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli amuboolele kumaanda anu! Amuleke wamulunyungu lwakwe Defedi alibonene!” Munshila iyi bene Isilaeli bakakaka Leoboamu kuba mwaami wabo.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Mateyo 16:22

Ndyaakanyumfwa boobo Pita, wakatola Jesu kulubasu akutalika kumukalalila. Wakamwaambila ayi, “Tau Nkambo! Ici tacikoonshi kumucitikila napaceyuubo!”

Mateyo 21:29

Lakwe wakakumbula ayi, ‘Ndakaaka.’ Sombi pesule, wakaya kumuunda mukusebensa.

Mateyo 26:33

Sombi Pita lakwe wakamwaambila ayi, “Nabi boonse bakatyongooke akumushiya, sombi nebo teshi nkamushiyeewo.”

Mateyo 26:35

Lakwe Pita wakaamba kuli nguwe ayi, “Nabi na baambe ayi bancaile pantu pomwi amwebo, nebo inga nshaambiiwo ayi nshimwishi.” Lyalo bashikwiiya boonse bakaamba bweenkoobo.

Joni 13:6

Ndyaakashika pali Simoni Pita, lakwe wakeepusha Jesu ayi, “Nkambo, sa inga mwansaansha kushimpanta?”

Joni 13:9

Lyalo Simoni Pita wakakumbula ayi, “Anu na mboboobo Nkambo, mutansanshibo kushimpanta, sombi akumaansa alimwi akumutwi koonse.”

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Milimo ya Batumwi 22:16

Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 2:23

Ncakwiila shintu ishi shilaboneka anga nshabusongo. Sombi kupaila kwakulipangila kwabaanjelo, kulibombya cakubeca akupensha mubili, shoonse ishi tashicite mpindu yakukoma buumi bwa buntu busuni kubisha.

Taitasi 3:5

wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.