Joni 13:36 - Baibo Busansulushi Bwa Libuku Ili

³⁶ Simoni Pita wakeepusha Jesu ayi, “Nkambo, ino mutooya kuli?” Jesu wakakumbula ayi, “Uko nkoontooya tookoonshi kunkonkela bulya, sombi ulaakunkonkela kunembo.”

Joni 13:36 Marejeleo ya Msalaba

2 Pita 1:14

Mukwiinga ndishi kwaamba ayi ciindi cakushiya mubili wangu uno cili pafwaafwi, kweelana abwakandwiita Mwaami wesu Jesu Klistu.

Joni 13:33

Nobana bangu, ndanooli amwebo kwaciindi ciniini. Mulaakunangoola, sombi ntoomulwiita bweenka mbondakalwiita baJuda ayi, ‘Uko nkoontooya, mwebo inga tamuyiiko.’

Joni 16:17

Mpomunyaawo bashikwiiya bakwe bamwi bakatalika kwiipushanya ayi, “Anu cikani ici cilaambanshi? Batootwaambila ayi, ‘Muciindi ciniini citoosa teshi mukamboneewo, sombi paakwiinda acimwi ciindi ciniini mulaakumbona.’ Peculu lya waawo baamba ayi, ‘Mukwiinga ntooya kuli baTa.’

Joni 14:2

Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena.

Joni 16:5

Bulya ntooya kuli wooyo wakantuma, nakubi boobo taakuuwo nabi womwi pakati kanu utoonjipusha nkoontooya.