Joni 13:18 - Baibo Busansulushi Bwa Libuku Ili

¹⁸ “Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Joni 13:18 Marejeleo ya Msalaba

Kulumbaisha 41:9

Ono amweensuma mwiine mwiine ngooncinkitemo manungo, mweensuma ngoondyaakwe mbale yomwi, wambukila.

Jelemiya 41:2

Ishimaeli abantu abo bali likumi bakanyamuka akucaya Gedaliya kumipeeni. Bakacaya wooyo mwaami wa bene Babiloni ngwaakasala kuba mweendeleshi mucishi ca Juda.

Mateyo 10:36

Ono nkokwaamba ayi balwani ba muntu balaakuba baabo beenka mbwaakalaabo paŋanda.

Mateyo 26:21

Ndibakalinga kulya, Jesu wakaamba ayi, “Ntoomulwiita calushinisho ayi umwi mulikoto lyanu utoongaba.”

Mateyo 26:23

Lakwe wakakumbula ayi, “Ngooyo ngoontobwengaakwe mumbale yomwi.

Maako 14:17

Ndipakashiyashiyabo, Jesu wakesa abashikwiiya bakwe bali likumi abobilo.

Maako 14:18

Ndibakalinga kushiite kabalya, Jesu wakaamba ayi, “Ntoomulwiita calushinisho ayi umwi wa mulikoto lyanu ngoontoolyaakwe, utoongaba.”

Maako 14:20

Mpomunyaawo Jesu wakabakumbula ayi, “Ngomwi wa mulikoto lyanu mwebo nobashikwiiya likumi abobilo uyo ngoontobwengaakwe cimaande mumbale yomwi.

Luka 22:21

“Sombi amubone! Uyo utoongaba ntoolyaakwe pano peenka!

Joni 13:21

Mpeeke Jesu ndyaakamana kwaamba boobo, wakapenshekwa abuumbi mumoyo akubaambila patuba ayi, “Ntoomulwiita calushinisho ayi womwi pakati kanu utoongaba.”

Joni 13:22

Bashikwiiya bakwe bakatalika kulanganalangana, kabateshi na ngani ngwaakalinga kwaamba.

Joni 13:26

Jesu wakakumbula ayi, “Ngooyo ngweshi mpe shinkwa uyu ndamana kubwenga.” Lyalo ndyaakamana kubwenga wakapa Judasi mwanaakwe Simoni Isikalyoti.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Joni 15:19

Nemwalinga kwikala mbuli bamucishi ca panshi naakwiinga kabamusuni. Ono mukwiinga mwebo tamubete bamucishi, sombi ndakamusala kuswa muli ncico, balimupatite.

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Joni 17:12

Ndindakalingaabo, ndakabalama muliina lyanu ilyo ndimwakampa. Ndakabafuna kabotu alimwi taaku nabi womwi pakati kabo wakasoweka, sombibo wooyo wakalinga kweelete kunyonyooka, kwaamba ayi shilembetwe muMalembo anu shicitike cancinencine.

Joni 18:32

Shakacitika kweelana abwakaamba Jesu ndyaakaamba shalufu lwakwe.

Joni 19:24

Paceebo ceeco bashilumamba bakaambooshanya beene ayi, “Tutakwamuni mwinjila uyu. Atuume cisolo kwaamba ayi tubone weshi autole.” Ico cakacitika kwaamba ayi Malembo akwe Lesa acitike cancinencine akwaamba ayi, “Bakaabana shakufwala shangu alimwi bakoomina cisolo mwiinjila wangu.” Ncakwiila abalo bashilumamba ncebakacita ici.

Joni 19:36

Ishi shintu shakacitika kweelana abwaamba Malembo akwe Lesa ayi, “Taaku cifuwa cakwe nabi comwi ceshi cikatyoke”

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Joni 6:70

Jesu wakaamba ayi, “Sa teshi ndime ndakamusala mwebo nomuli likumi abobilo? Ee, Sombi womwi pakati kanu ngumulwani.”

Milimo ya Batumwi 1:16

waamba ayi, “Nobamakwesu, Malembo akwe Lesa akalinga kweelete kucitika ayo akaamba Defedi ndyaakatanjililwa aMushimu Usalashi. Lakwe wakaamba shakwe Judasi, uyo wakatanjilila baabo bakacata Jesu.

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.