Joni 13:13 - Baibo Busansulushi Bwa Libuku Ili

¹³ Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Joni 13:13 Marejeleo ya Msalaba

Jelemiya 1:12

Mpomunyaawo Mwaami Lesa wakandwiita ayi, “Waamba lushinisho ceebo anebo ntoolangilisha akubona ayi maswi angu aswitilila.”

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Luka 10:28

Jesu wakamwaambila ayi, “Wakumbula kabotu, kocita bweenka ubo, ulaakuba abuumi butamaani.”

Luka 6:46

“Ceebonshi mulanjita ayi, ‘Nkambo, Nkambo’ sombi kamutaciti nshemwaambila?

Luka 7:43

Simoni wakakumbula ayi, “Nebo ntooyeeya ayi ngooyo wakakongola maali aanji.” Jesu wakamwaambila ayi, “Wakumbula kabotu.”

Joni 11:2

(Maliya uyu ngowakapuumwita mafuta anunkila kabotu kushimpanta sha Mwaami Jesu akushipukuta amisusu yakwe. Lasalo uyo wakaciswa, wakalinga nandumi yakwe.)

Joni 11:28

Mpeeke ndyaakamana kwaamba boobo, Malita wakaya weeta Maliya nankashi yakwe kulubasu akumulwiita ayi, “Bafundishi besa, batookwiita.”

Joni 11:3

Aboobo banankashi shakwe bobilo bakatuma nkombe kuli Jesu ayi, “Nkambo, ulya mubyaanu ngomusunishi abuumbi ngumulwashi.”

1 Bene Kolinto 12:3

Aboobo ndisuni kwaamba ayi mwishibe ayi taaku muntu uli woonse utokweendeleshekwa aMushimu wakwe Lesa weenga waamba ayi, “Jesu ashinganwe,” alimwi taaku weenga waamba ayi, “Jesu nguMwaami,” sombi Mushimu Usalashi wamutanjilila.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Bene Efeso 6:9

Amwebo nobamaami, mucite bweenka ubo kubasha banu alimwi mutanoobakonga. Amwishibe kwaamba ayi balo alimwi amwebo, mulicitebo Mwaami womwi uli kwiculu utasalululi.

Bene Filipi 2:11

Alimwi boonse balaakusumina patuba ayi Jesu Klistu nguMwaami, mukupa bulemu kuli Lesa Ishiwesu.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Jemusi 2:19

Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.