Joni 13:1 - Baibo Busansulushi Bwa Libuku Ili

¹ Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 13:1 Marejeleo ya Msalaba

Tushimpi 8:31

Ndakalinga kukondetwe acishi cakwe coonse, alimwi ndakalinga kusangalete ceebo ca bantu.

Jelemiya 31:3

Mwaami Lesa wakabonekela kuli ndiswe kale kale akwaamba ayi, “Ndakamusuna alusuno lutamaani paceebo ceeco ncitolelela kumunyumfwila nkumbu.

Mateyo 26:45

Lyalo wakaboolela kubashikwiiya bakwe akubaambila ayi, “Sa abobulya mucilete akunocookesha? Amubone, ciindi cashikila, MwanaaMuntu ono utokwaabwa mumaansa a bamucita shibi.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Luka 22:53

Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”

Luka 9:51

Lyalo ndicakashika ciindi cakwaamba ayi Jesu atolwe kwiculu, wakayeeya kuya kundabala inene ya Jelusalemu.

Joni 11:55

Mpomunyaawo bushiku bwa Pasika bwa kwiibaluka kusotokela ndibwakashika pafwaafwi, bantu baanji bakaswa mumishi akuya kuJelusalemu mukulisalasha kweelana ambobakalinga kushibite bushiku ubo kabutana kushikila.

Joni 12:23

Jesu wakakumbula ayi, “Ciindi cashikila cakwaamba ayi MwanaaMuntu alemekwe.

Joni 13:29

Ono ceebo cakwaamba ayi Judasi ngowakalinga kulama nkomwe ya maali, bashikwiiya bamwi bakayeeya ayi mpashi Jesu wamutuma mukuula shakulya shiyandika pabushiku bwa Pasika, nabi mukupa bakandu.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

Joni 14:28

Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime.

Joni 14:31

sombi ntoocitabo kweelana ambobakandasha baTa kwaamba ayi bantu ba mucishi beshibe ayi baTa ndibasuni. “Amunyamuke ono tunooya.

Joni 16:28

Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”

Joni 17:1

Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Joni 17:16

Tabeshi bamucishi ca panshi bweenka anebo mboonteshi wamucishi.

Joni 17:26

Ndabeeisha kwaamba ayi bamwishibe alimwi ndanoobeeishabo kwaamba ayi lusuno ulo ndomucite pali ndime lube amuli mbabo anebo mbe muli mbabo.”

Joni 17:5

Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.

Joni 18:4

Jesu wakalinga kwishi kale shoonse shakalinga kweelete kumucitikila. Aboobo wakasenaako akubeepusha ayi, “Ino ngani ngomutooyandoola?”

Joni 19:28

Jesu wakashiba ayi shoonse shacitika. Ono kwaamba ayi Malembo akwe Lesa acitike cancinencine, wakaamba ayi, “Ndafwa nyotwa.”

Joni 2:13

Paciindi ico, bushiku bwa Pasika bwakwiibaluka kusotokela bwakalinga pafwaafwi, aboobo Jesu wakaya kuJelusalemu.

Joni 6:4

Paciindi ico bushiku bwa Pasika bwakwiibaluka kusotokela bwakalinga pafwaafwi.

Joni 7:30

Ingayi banyumfwe boobo bakeelesha kumucata, sombi taaku wakacikonsha mukwiinga ciindi cakwe kacitana kushikila.

Joni 7:6

Jesu wakabaambila ayi, “Ciindi cangu ceelete tacina kushikila, sombi mwebo ciindi cili coonse cili kabotu.

Joni 8:20

Jesu wakaamba maswi aya kaali muŊanda yakwe Lesa pafwaafwi amusena pakalinga kubikwa shipo. Sombi taaku wakamucata mukwiinga ciindi cakwe kacitana kushikila.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Bene Kolinto 1:8

Ulaakumuyumya kushikila akumamanino kwaamba ayi pabushiku bwakwisa Mwaami wesu Jesu Klistu mukacanike kamutacite kampenda.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Bene Ebulu 6:11

Ncetusuni bunene nkwaamba ayi womwi awomwi mulikoto lyanu atolelele cankusu kushoma kushikila akumamanino, kwaamba ayi isho nshemutoolangila shikacitike cancinencine.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Joni 4:19

Tulisunene mukwiinga Lesa ngowakataanguna kutusuna.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.