Joni 12:5 - Baibo Busansulushi Bwa Libuku Ili

⁵ “Ceebonshi mafuta aya taakwe kuulishikwabo mweelo wa maali ali myaanda yotatwe akupa maali ayo kubakandu?”

Joni 12:5 Marejeleo ya Msalaba

Esila 4:14

Ono ceebo cakwaamba ayi swebo tulasebensela ndimwe nobaami, tatusangalali kubona baami besu kabanyanshikwa. Paceebo ceeci twatuma maswi aya akumwishibisha nobaami

Kulonga 5:17

Mwaami Falawo wakabakumbula ayi, “Tamusunibo kusebensa, muli batolo! Nceceeco ncemutoonsengela abwaca ayi muleeke muye mukubenga milambu kuMwaami Lesa.

Kulonga 5:8

Sombi mulyeelete kubona kwaamba ayi batokuuma mweelo wa ncelwa weenka wa lyoonse, tabeelete kuceeshaako. Aba bantu mbatolo, nceceeco ncebatoonsengela lyoonse ayi mbaleeke baye bakabenge milambu kuli Lesa wabo!

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Mateyo 18:28

“Sombi musebenshi uyo ndyaakaswa pansengwe, wakakumanya musebenshinyina ngwaakakweletesha maali aniinibo. Wakamucata, wamushina panshingo akumwaambila ayi, ‘Lipila maali ngowakakweleta!’

Mateyo 20:2

Ono ndibakasuminishanya abasebenshi ayi bafole lyaali lyomwi lyeelete pabushiku, wakabatuma mumuunda wakwe.

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 6:41

“Ino inga wabona buyani kapampaansha kali muliinso lya mubyo akushiya cisamu cili muliinso lyako?

Joni 12:4

Sombi Judasi lsikalyoti, womwi wa bashikwiiya bakwe (uyo eenka wakamwaaba kunembo) wakaamba ayi,

Joni 12:6

Taakwe kwaamba boobo ceebo cakunyumfwila nkumbu bakandu, sombi mukwiinga wakalinga mwiipi. Judasi ngowakalinga kusunga coola ca maali, aboobo wakalinga kwiipaamo kaasebensesha mwiine.

Joni 13:29

Ono ceebo cakwaamba ayi Judasi ngowakalinga kulama nkomwe ya maali, bashikwiiya bamwi bakayeeya ayi mpashi Jesu wamutuma mukuula shakulya shiyandika pabushiku bwa Pasika, nabi mukupa bakandu.

Joni 6:7

Filipo wakamukumbula ayi, “Nabi twoola shinkwa wa myaanda yobilo ya maali asilifa inga taukwani kwaamba ayi muntu uli woonse alye nakaceyi.”