Joni 12:26 - Baibo Busansulushi Bwa Libuku Ili

²⁶ Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 12:26 Marejeleo ya Msalaba

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Tushimpi 27:18

Uyo ubambila kabotu cisamu ca nkuyu ulaakulya shisepo sha ncico. Mbweeke ubo musebenshi ucitila kabotu mwaami wakwe ulaakupekwa bulemu.

Shakubelenga 14:24

Sombi mukwiinga musebenshi wangu Kalebu ulicite bwikaalo bupusene alimwi watolelela kunyumfwila ca moyo woonse, ndaakumushisha mucishi ico ncaakabona alimwi bamulunyungu bakwe balaakuba mbobene cishi ico.

Shakubelenga 32:11

‘Mukwiinga tabakwe kutolelela kunyumfwila, taaku musankwa nabi womwi, wakaswa mucishi ca Ijipiti, ucite myaaka ili makumi obilo aisotoka, eshi akenjile mucishi ico ncendakashomesha kupa Abulaamu, Isaki alimwi aJakobo.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

Maako 8:34

Mpomunyaawo wakeeta bantu baanji, pantu pomwi abashikwiiya bakwe akubalwiita ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, akunyamuna mucilingano wakwe. Lyalo ndyeenga wankonkela.

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Luka 6:46

“Ceebonshi mulanjita ayi, ‘Nkambo, Nkambo’ sombi kamutaciti nshemwaambila?

Luka 9:23

Kuswawaawo wakabaambila boonse ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe lyoonse akunkonkela.

Joni 10:27

Mbelele shangu shilanyumfwa liswi lyangu, ndishishi ashalo shilankonkela.

Joni 13:16

Ntoomulwiita calushinisho ayi, taaku musebenshi wiinda mwaami wakwe alimwi taaku mutumwi wiinda wooyo wakamutuma.

Joni 14:15

“Na mulinsuni, munanoolama milawo yangu.

Joni 14:3

Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.

Joni 15:20

Amwiibaluke maswi ngondakamwaambila ayi, ‘Musebenshi taindi mwaami wakwe.’ Na nebo bakampensha amwebo balaakumupensha. Na bakakonkela kwiisha kwangu amwebo kwiisha kwanu balaakukukonkela.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Joni 21:22

Jesu wakakumbula ayi, “Ino na kaansuni kwaamba ayi uyu anoolibo muumi kushikila nkese, sa ngumulandu wako uyo? Nkonkelebo!”

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Filipi 1:23

Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

Bene Kolose 3:24

Amwiingashile kwaamba ayi Mwaami ulaakumupa cilambu ncaakashomesha bantu bakwe. Anu Mwaami ngomutoosebensela nguKlistu.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

1 Joni 5:3

Kusuna Lesa, nkukonkela milawo yakwe. Milawo yakwe Lesa teshi iyumu

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Ciyubululo 14:4

Mbobasankwa bakalisalasha kwiinda mukutakumana abanakashi, ncakwiila balisalalite. Balakonkela Mwanaambelele kuli koonse nkwaaya. Bakapulushikwa kuswa pabantu ba mucishi ca panshi akuba anga nshishango shitaanshi kutebulwa, isho shipekwa kuli Lesa alimwi aMwanaambelele.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.