Joni 12:23 - Baibo Busansulushi Bwa Libuku Ili

²³ Jesu wakakumbula ayi, “Ciindi cashikila cakwaamba ayi MwanaaMuntu alemekwe.

Joni 12:23 Marejeleo ya Msalaba

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 26:45

Lyalo wakaboolela kubashikwiiya bakwe akubaambila ayi, “Sa abobulya mucilete akunocookesha? Amubone, ciindi cashikila, MwanaaMuntu ono utokwaabwa mumaansa a bamucita shibi.

Maako 14:35

Lyalo Jesu wakeendakobo paniini, mpeeke wakawita panshi akutalika kupaila ayi na kacikonsheka mapensho anene aya atamucitikili.

Maako 14:41

Ndyaakaboola lyatatu, wakabeepusha ayi, “Sa abubulya mucilete akunoocookesha? Ono bulya camana! Ciindi cashikila. Amubone, MwanaaMuntu ono utokwaabwa mumaansa a bamucita shibi.

Joni 12:16

Paciindi ico, bashikwiiya bakwe tabakwe kwanyumfwishisha makani aya, sombi Jesu ndyaakabushikwa mubulemu, bakeebaluka ayi Malembo akwe Lesa akalinga kwaamba pali nguwe alimwi ayi shintu ishi shakacitilwa nguwe.

Joni 12:27

“Ono moyo wangu wapenshekwa. Sa ŋambe ayi, ‘Ta amumfuune kuciindi ca mapensho ici’? Sobwe, mukwiinga mapensho aya ngondakeshita.

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.