Joni 11:53 - Baibo Busansulushi Bwa Libuku Ili

⁵³ Lyalo kuswa pabushiku ubo baJuda bakapangana ayi bakacaye Jesu.

Joni 11:53 Marejeleo ya Msalaba

Matalikilo 37:18

Bamakwabo abo bakamubona kaacilibo kulaale. Ono kaatana kushika bakapangana ayi bamucaaye.

Neyemiya 13:21

Sombi ndakabacenjesha ayi, “Ino nciinshi ncemoonena pansengwe lya lubumbu kulindila ayi buce? Na mukaciboosheewo, ndaakumuuma.” Kuswa bushiku ubo, tabana kwisawo kale pabushiku bwakookesha bwa Cibelu.

Neyemiya 4:16

Kuswawaawo musa wa basankwa bakalinga kusebensa mulimo wakuyakulula, musa umwi wakalinga kulindilila kabacite masumo, mayawo, mata alimwi kabafwete ashakufwala sha nkondo. Abalo bamatanjilili bakacafwa bantu

Kulumbaisha 113:2

Alilumbaishikwe liina lya Mwaami Lesa. Alilumbaishikwe kuswa sunu kushikila muyayaya.

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Kulumbaisha 31:13

Ndanyuumfwa balwani baanji kabatepeta. Shiyoosha shilinshingulukite uku akooku. Balwani abo, batoopinga ndime, ee, batoopangana ayi bancaaye.

Kulumbaisha 71:10

Bulya balwani bangu batooyanda kuncaya. Balabandika pantu pomwi miyeeyo mukupinga ndime.

Jelemiya 38:15

Mpomunyaawo ndakakumbula Sedekiya ayi, “Na mulwiite, mutooncaya. Na mupandeko maano teshi munkutikeewo, sobwe.”

Jelemiya 38:4

Mpomunyaawo bacinenenene bakaambila mwaami ayi, “Muntu uyu ulyeelete kucaikwa ceebo utootyongosha bashilumamba abantu abo bakacaala mundabala inene ino kumakani ngaatoobalwiita. Muntu uyu taasuni kucafwa bantu, sombi uliimfwibo pakunyonyoola.”

Mateyo 12:14

Sombi baFalisi bakaswaawo, baya balifuyafuya ayi bacane nshila yakucailamo Jesu.

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Mateyo 22:46

Sombi taaku muntu nabi womwi wakakumbula nabi liswi lyomwi. Lyalo kuswa pabushiku ubo, taaku muntu wakalinga kwiipusha Jesu nabibo mwiipusho womwi wakumusunka.

Mateyo 26:4

Bakasuminishanya ayi bacane nshila yakucatilamo Jesu cabushishi kwaamba ayi bamucaaye.

Mateyo 26:59

Bamatanjilili ba bapailishi alimwi abaabo boonse beendelesha munkuta, bakalinga kuyandoola bukamboni bwakubekesha Jesu kwaamba ayi bamucanine mulandu wakumucailaawo.

Maako 14:1

Kwakacaalabo nshiku shobilo kwaamba ayi bushikile bushiku bwa Pasika bwakwiibaluka kusotokela alimwi abushiku bwakusekelela kwakulya Cimaande. Bamatanjilili ba bapailishi alimwi abafundishi ba Milawo bakalinga kuyandoola nshila yakucatilamo Jesu cabushishi kwaamba ayi bamucaaye.

Maako 3:6

Lyalo baFalisi bakaswaamo, baya balifuyafuya pantu pomwi abantu bakwe Elodi bamwi kwaamba ayi bacane nshila yakumucailaamo.

Joni 11:47

Lyalo bamatanjilili ba bapailishi abaFalisi alimwi abeendeleshi ba nkuta bakabungana akwiipushanya ayi, “Tutoocita buyani? Amubone shaankamiko kufula nshaatoocita muntu uyu!

Joni 12:10

Aboobo bamatanjilili ba bapailishi bakapangana ayi alakwe Lasalo bamucaaye

Joni 7:1

Kuswawaawo Jesu wakalinga kweendabo mucishi ca Galili. Taakalinga kusuni kuya mucishi ca Judeya mukwiinga bamaloba ba baJuda bakalinga kuyanda kumucaya.

Milimo ya Batumwi 5:33

Boomboloshi ndibakanyumfwa makani aya, bakakalala abuumbi cakwaamba ayi bakalinga kusuni kucaya batumwi.

Milimo ya Batumwi 9:23

Ndipakeenda nshiku shiinji, baJuda bakabungana pantu pomwi akupangana ayi bacaye Saulo.