Joni 11:51 - Baibo Busansulushi Bwa Libuku Ili

⁵¹ Kayafasi taakwe kwaambabo sha mumutwi wakwe mwiine, sobwe, sombi kweelana ambwaakalinga mupailishi munene mumwaaka uyo, wakalaluka ayi Jesu ulaakufwita mushobo wa baJuda.

Joni 11:51 Marejeleo ya Msalaba

Kulonga 28:30

Mucakufwala ca pacaamba ico, ukabikeko Ulimu alimwi aTumimu, kwaamba ayi Aloni akanooshinyamuna pakwisa pameenso angu. Mushiindi sha mbuli sheeshi, lyoonse ulyeelete kufwala cakufwala ico, kwaamba ayi akanooshiba kuyanda kwangu pabene Isilaeli.

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Shakubelenga 22:28

Lyalo Mwaami Lesa wakapa mbongolo nkusu shakwaamba, lyalo yakeepusha Balaamu ayi, “Ino ncendacita kuli ndimwe ncemwangumina mankanda otatwe nciinshi?”

Shakubelenga 24:2

akubona bene Isilaeli kabayakite mukowa amukowa. Mpeeke Mushimu wakwe Lesa wakamutanjilila,

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Joni 10:15

Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Joni 11:49

Ono womwi pakati kabo wakalinga kwiitwa ayi Kayafasi, uyo wakalinga mupailishi munene mwaaka uyo, wakaamba ayi, “Anu mulishinshi mwebo?

Joni 18:13

Bakataanguna kumutola kuli Anasi, mupongoshi wakwe Kayafasi, uyo wakalinga mupailishi munene mwaaka uyo.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

1 Samwelo 23:9

Defedi ndyaakeshiba ayi Saulo utooyeeya kumulwana, wakaambila Abiyata mupailishi ayi, “Leta efodi.”

1 Samwelo 28:6

Saulo ndyaakeepusha kuMwaami Lesa cakucita, Mwaami Lesa taakwe kumukumbulaawo muciloto, mucisolo cakwe Ulimu aTumimu nabi mubalaluki.