Joni 11:25 - Baibo Busansulushi Bwa Libuku Ili

²⁵ Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Joni 11:25 Marejeleo ya Msalaba

Kulumbaisha 36:9

Ee, mwebo muli kantupu kapa buumi, alimwi ceebo ca mumuni wanu tulakonsha kubona mumuni.

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Isaya 38:16

NoBaami baLesa shintu sha mushobo uyo nsheshipa buumi kubantu. Ncakwiila anebo ndacana buumi muli nshisho. Mwakanjumya kuswa mukuciswa akuncafwa kwaamba ayi noocibukila buumi.

Luka 23:43

Lyalo Jesu wakamwaambila ayi, “Ncakwiila ntookulwiita ayi sunu lyeenka utooba anebo muMusena ukondelesha.”

Joni 1:4

Muli nguwe momwakalinga buumi alimwi buumi ubu bwakalinga mumuni wa bantu.

Joni 14:19

Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Joni 3:36

Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.

Joni 6:44

taaku muntu ukonsha kwisa kuli ndime, sombi baTa abo bakantuma bamusenya kuli ndime. Anebo ndaakumubusha kuswa kubafu pabushiku bwakweelaako.

Milimo ya Batumwi 3:15

Mwebo mwakacaya wooyo upa buumi bwancinencine, sombi Lesa wakamubusha kuswa kubafu. Ono swebo tuli bakamboni pacikani ici.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.

Bene Loma 8:2

Ceebo kweendeleshekwa aMushimu Usalashi uko kuleta buumi kwiinda muli Klistu Jesu, kwaŋangulula kumulawo wa bubi uyo uleta lufu.

1 Bene Kolinto 15:18

Nkokwaamba ayi abaabo boonse bakafwita muli Klistu, balisowekete.

1 Bene Kolinto 15:29

Ono na taaku kubushikwa kuswa kubafu, ino balya babombekwa ceebo ca bafu balaakucita buyani? Ino ono nceebonshi bantu balabombekwa ceebo cabo na bafu tababushikwi?

2 Bene Kolinto 4:14

Tulishi kwaamba ayi Lesa uyo wakabusha Mwaami Jesu kuswa kubafu, ulaakutubusha aswebo bweenka mbuli Jesu akututola soonse andimwe uko nkwaabete.

Bene Filipi 1:23

Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

Bene Filipi 3:10

Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

1 Bene Tesalonika 4:14

Tulashoma ayi Jesu wakafwa akubuka kuswa kubafu alimwi ayi abo bakafwa kabashoma muli Jesu, Lesa ulaakubabusha kuswa kubafu akubatola kwiculu pantu pomwi aJesu.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 20:5

Uku nkokubushikwa kuswa kubafu kwakutaanguna. Bafu boonse bakacaala, tabakwe kubuka kushikila myaaka ilya ili cuulu ndiyakamana.

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.