Joni 10:34 - Baibo Busansulushi Bwa Libuku Ili

³⁴ Jesu wakakumbula ayi, “Sa muMilawo yanu tamulembetweewo ayi Lesa wakaamba ayi, ‘Muli balesa.’

Joni 10:34 Marejeleo ya Msalaba

Kulonga 7:1

Mpomunyaawo Mwaami Lesa wakaamba ayi, “Ntoolengesha ayi ube anga nguLesa kumwaami Falawo, alakwe Aloni mukwanu ananokwaamba kuli nguwe anga ngumulaluki wako.

Kulumbaisha 82:1

Lesa ngooendelesha nkuta yakwe ya kwiculu. Ngowoombolosha akutimbula makani pakati ka balesa ayi,

Kulonga 4:16

Lakwe ngweshi ukanokwaambilaako kubantu. Ono webo ulaakuba anga nguLesa ceebo ulaakunoomulwiita shakwaamba.

Kulumbaisha 138:1

Nobaami baLesa, ndaakumulumbaisha amoyo wangu woonse. Ndaakwiimba nyimbo shakumulumbaisha pameenso a balesa bamwi.

Kulonga 22:28

“Mutancoboli neLesa, nabi kushingana muleli wa bantu bene mishaanu.

Joni 8:17

MuMilawo yanu mulilembetwe ayi bukamboni bwa bantu bobilo mbwalushinisho.

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Joni 12:34

Bantu bakamukumbula ayi, “Swebo twakanyumfwa muMilawo yakwe Mose ayi Usalitwe wakwe Lesa ulakunoolikobo lyoonse, ino ono inga waamba buyani ayi, ‘MwanaaMuntu ulyeelete kupopwa pamucilingano?’ Ino MwanaaMuntu uyo ngani?”

1 Bene Kolinto 14:21

MuMalembo akwe Lesa cililembetwe ayi Lesa wakaamba ayi, “Ndaakwaamba abantu bangu kwiinda mubantu baamba mushishobo sheensu, ndaakwaambaabo kwiinda mumilomo ya beensu, sombi bantu bangu teshi bakanyumfwileewo.”

Joni 10:35

Lesa wakabanda bantu abo bakapekwa maswi akwe ayi mbalesa. Tulishi ayi Malembo akwe Lesa ngalushinisho lyoonse.