Joni 10:16 - Baibo Busansulushi Bwa Libuku Ili

¹⁶ Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Joni 10:16 Marejeleo ya Msalaba

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Kulumbaisha 86:9

NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.

Shikushimikila 12:11

Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 56:8

Mwaami Lesa Shinkusu shoonse ee, uyo wakayobolola bene Isilaeli bakalinga mubusha waamba ayi, “Ndaakuyobolola abamwi peculu lya baabo bakesa kale.”

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Esekelo 34:6

Mbelele shangu shakeengaila mutulundu toonse tunene atuniini toonse. Bakapalanganina mucishi ca panshi coonse alimwi taaku nabi womwi wakashikonkela nabi kushiyandoola, sobwe.’

Esekelo 37:22

Kuswawaawo ndaakubalengesha kuba mushobo womwi mucishi ico cili patulundu twa Isilaeli. Kulaakubabo mwaami womwi pakati kabo boonse. Teshi bakabewo tubili mishobo yobilo nabi kwaabanishikwa mumalelo obilo.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Sekaliya 2:11

Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Luka 15:8

“Nabi na twaambe ayi walutundu umwi kaacite maali asilifa ali likumi, sombi lyomwi lyasoweka, ulacita buyani? Sa te ulamunika lilampi akupyanga ŋanda yakwe akulangoola kabotu moonse kushikila walicana?

Joni 10:11

“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe.

Joni 10:2

Sombi muntu uyo unjilila kumulyango, ngomweembeshi wa mbelele.

Joni 10:27

Mbelele shangu shilanyumfwa liswi lyangu, ndishishi ashalo shilankonkela.

Joni 10:3

Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo.

Joni 10:4

Na washikusha ulashitanjilila ashalo shilamukonkela mukwiinga shilishi liswi lyakwe.

Joni 10:5

Mweensu inga tashimukonkeli napaceyi, sombi lakwe shilamuloonda mukwiinga liswi lyakwe tashilishi.”

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Joni 17:20

“Nshintoopaililabo baaba beenka, sombi abaabo boonse beshi bakashome muli ndime kwiinda mukushimikila kwabo.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Milimo ya Batumwi 15:14

Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.

Milimo ya Batumwi 18:10

mukwiinga ndi awebo. Taaku muntu nabi womwi ngweshi akakuciise ceebo bantu baanji mundabala inene ino bali kulubasu lwangu.”

Milimo ya Batumwi 22:14

Mpomunyaawo wakaamba ayi, ‘Lesa ngobakalinga kulambila bamashali besu bakulukulu, wakusala kwaamba ayi ushibe kubamba kwakwe akubona Musebenshi wakwe ululeme alimwi akunyumfwa mwiine kaamba awebo.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Ciyubululo 3:20

Bona, ndiimfwi pamulyango ntookonkoonsha. Uyo woonse weshi anyumfwe liswi lyangu akucalula cisasa, ntoonjila muŋanda yakwe, kwaamba ayi nebo anguwe tulite pantu pomwi.