Joni 10:15 - Baibo Busansulushi Bwa Libuku Ili

¹⁵ Bweenka mbuli baTa mbobenshi anebo ndibeshi. Paceebo ceeco ndisuminite kwaaba buumi bwangu ceebo ca mbelele shangu.

Joni 10:15 Marejeleo ya Msalaba

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Isaya 53:8

Bakamutola mukucaya kwiinda mukumulyatilila alimwi amukutamoombolosha cabululami. Taaku muntu eshi akaambe shalunyungu lwakwe mucishi, mukwiinga buumi bwakwe panonsengwe bwamanishikwa. Ee, nceebo cakusotoka milawo kwa bene misheesu kwakalengesha ayi oomwe.

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Luka 10:21

Paciindi ico Jesu wakasangalala muMushimu Usalashi. Mpeeke wakaamba ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite. Ncakwiila Ta, mwebo mwakacita kweelana akuyanda kwanu.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 10:11

“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe.

Joni 15:13

Taaku lusuno lunene muntu ndweenga wabaalo kwiinda loolu lwakwaamba ayi aabe buumi bwakwe ceebo ca babye.

Joni 17:25

Ta noMululeme, nakubi kwaamba ayi bamucishi tabamwishi, nebo ndimwishi alimwi aba balishi kwaamba ayi ndimwe mwakantuma.

Joni 6:46

Taaku muntu wakabonaawo kale baTa, sombibo eenka uyo wakaswa kuli Lesa ngowakababona.

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.