Joni 1:49 - Baibo Busansulushi Bwa Libuku Ili

⁴⁹ Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 1:49 Marejeleo ya Msalaba

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Sefaniya 3:15

Mwaami Lesa wakacileka kukupa mulandu. Wakatandaanya balwani bako boonse. Mwaami Lesa, Mwaami wa bene Isilaeli, uli awebo. Teshi ukaloondewo tubili cibiibi cili coonse ceshi cikakupolele.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 14:33

Lyalo bashikwiiya boonse bakalinga mubwaato bakamulambila akwaamba ayi, “Ncakwiila muli bana bakwe Lesa!”

Mateyo 2:2

“Uli kuli mwaana washalwa uyo mwaami wa baJuda? Twabona nyenyeenshi yakwe kwicwe, aboobo twesa mukumulambila.”

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

Mateyo 23:7

Balisuni kwaanshikwa cabulemu mumishika alimwi akwiitwa ayi, ‘Bafundishi’.

Mateyo 23:8

Sombi mwebo tamweelete kwiitwa ayi, ‘Bafundishi’ ceebo noonse muli bamukowa alimwi mulicitebo Mufundishi womwi.

Mateyo 27:11

Mpeeke Jesu bakamwiimika kunembo lya mweendeleshi wa kuLoma uyo wakamwiipusha ayi, “Sa ndiwe mwaami wa baJuda?” Jesu wakamukumbula ayi, “Mwacaamba nobeene.”

Mateyo 27:42

“Wakalinga kupulusha bamwi, sombi waalilwa kulipulusha mwiine. Sa te ngomwaami wa Isilaeli? Aaseluke ono pamucilingano kwaamba ayi tushome muli nguwe.

Mateyo 4:3

Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Maako 15:32

Atumubone Usalitwe wakwe Lesa, mwaami wa bene Isilaeli aseluke kuswa pamucilingano kwaamba ayi tushome.” Abalo abo mbwaakapopwaabo bakalinga kumutukana.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Luka 19:38

Bakaamba ayi, “Lesa aape coolwe kuMwaami uyo utoosa muliina lyakwe! Akube luumuno kwiculu abulemu kuli Lesa!”

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 1:34

Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”

Joni 1:38

Lyalo Jesu ndyaakacebuka wakabona kabamukonkela, mpeeke wakabeepusha ayi, “Mucafweeko?” Bakakumbula ayi, “Labi, ino mulekala kuli?” (Labi cilaamba ayi mufundishi.)

Joni 1:50

Jesu wakaamba ayi, “Sa washooma ceebo cakukwaambila ayi, ‘Ndalinga kukubwene kooli mucisamu ca mukuyu?’ Ulaakubona shintu shiinda waawa!”

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 4:31

Ico ciindi bashikwiiya bakwe bakalinga kukombelela Jesu ayi alye.