Joni 1:45 - Baibo Busansulushi Bwa Libuku Ili

⁴⁵ Lyalo Filipo wakacana Natanaelo, mpeeke wakamwaambila ayi, “Twamucana muntu uyo Mose ngwaakalemba mumabuku a Milawo alimwi abalo balaluki bakulukulu ngobakalemba mumabuku abo, nguJesu wa kuNasaleti, mwanaakwe Josefu.”

Joni 1:45 Marejeleo ya Msalaba

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 53:2

Musebenshi wakwe ulya wakakula anga ninsoonseela kumeenso akwe Lesa nabi anga ngumuyanda watuntula mubulongo buyumu. Taakalinga kucitewo bulemu alimwi taakalingawo mubotu cakukonsha kutukwelela kuli nguwe Mbonekelo shakwe teshakalinga kukonsha kutapa myoyo yesu kuya pali nguwe.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 10:3

Filipo aBatolomeyo, Tomasi aMateyo shikusonkesha, Jemusi mwanaakwe Alufeyasi aTadeyasi,

Mateyo 13:55

Sa uyu teshi ngomwaana wa mubeseshi ulya? Sa te baMaliya mbobanyina? Sa te banandumi shakwe nguJemusi, Josefu, Simoni aJudasi?

Mateyo 2:23

Lyalo wakaya mukwikala mundabala ya Nasaleti, bweenka mbuli mbobakaamba balaluki bakulukulu ayi, “Ulaakunokwiitwa ayi wakuNasaleti.”

Mateyo 21:11

Bantu baanji baanji balya bakakumbula ayi, “Uyu nguJesu mulaluki wa kuNasaleti mucishi ca Galili.”

Maako 14:67

Ndyaakabona Pita kaayota mulilo, wakamulangilishisha akumwaambila ayi, “Awebo wakalinga aJesu ulya wa kuNasaleti.”

Maako 6:3

Sa uyu teshi ngomubeseshi mwanaakwe Maliya? Sa teshi ngomukwabo Jemusi, Jose, Judasi alimwi aSimoni? Sa te banankashi shakwe te tuli abo kweenka kuno?” Aboobo bakamusuula.

Luka 18:37

Bantu bakamwaambila ayi, “NguJesu wa kuNasaleti utokwiinda.”

Luka 2:4

Josefu alakwe wakanyamuka kuswa kuNasaleti mucishi ca Galili kuya kundabala yakwe Defedi iyo yakalinga kwiitwa ayi Betileemu, mucishi ca Judeya, mukwiinga wakalinga ngwa mulunyungu lwakwe Defedi.

Luka 2:48

Bashali bakwe ndibakamubona bakacatabo pamilomo. Lyalo banyina bakaamba ayi, “Omwanaangu ino watupensheshanshi bobulya? Bona nebo abaiso twalinga kwisa cikulangoola katulisukeme abuumbi.”

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Luka 3:23

Jesu wakatalika ncito yakwe kaayanda kukwanisha myaaka ili makumi otatwe. Wakalinga ngumwanaakwe Josefu mbuli mbobakalinga kuyeeya bantu. Josefu wakalinga mwanaakwe Eli,

Luka 4:22

Boonse bantu bakamusuminisha cakukondwa alimwi bakakankamana ambwaakaamba makani cabusongo. Balo bakatalika kwaamba ayi, “Sa te ngomwanaakwe Josefu uyu?”

Joni 1:44

Filipo wakalinga kwikala kundabala ya Betisaida uko kwakalinga kwikala Andulu aPita.

Joni 12:21

BaGiliki aba bakaya kuli Filipo wa kundabala ya Betisaida mucishi ca Galili akumwaambila ayi, “Nkambo, tutooyanda kubona Jesu.”

Joni 14:8

Mpomunyaawo Filipo wakaambila Jesu ayi, “Nkambo, ncetusunibo nkwaamba ayi mututondeshe baIshiwanu.”

Joni 18:5

Bakamukumbula ayi, “Tutooyandoola Jesu wa kuNasaleti.” Jesu wakaamba ayi, “Ndime.” Alakwe Judasi, uyo wakamwaaba kubalwani, wakalinga kwiimfwi ambabo.

Joni 18:7

Jesu wakabeepusha alimwi ayi, “Anu ngani ngomutooyandoola?” Abalo bakamukumbula ayi, “Jesu wa kuNasaleti.”

Joni 19:19

Pilato wakalemba cishibisho akucibika pamucilingano wakwe Jesu cakalinga kulembetwe ayi, “Jesu wa kuNasaleti, mwaami wa baJuda.”

Joni 21:2

Simoni Pita, Tomasi wiitwa ayi Mpuundu, Natanaelo wa kundabala ya Kana muGalili, bana bakwe Sebedi abashikwiiya bamwi bobilo, boonse bakalinga kubungene pantu pomwi.

Joni 6:42

Paceebo ceeco bakaamba ayi, “Sa te nguJesu mwanaakwe Josefu? Baishi abanyina tulibeshi, ino ono inga waamba buyani ayi, ‘Wakaswa kwiculu?’ ”

Joni 6:5

Lyalo Jesu ndyaakalangalanga wakabona bantu baanji kabesa kuli nguwe, wakeepusha Filipo ayi, “Ino nkuli nkweenga twoola shinkwa ayi bantu aba balye?”

Joni 6:7

Filipo wakamukumbula ayi, “Nabi twoola shinkwa wa myaanda yobilo ya maali asilifa inga taukwani kwaamba ayi muntu uli woonse alye nakaceyi.”

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Milimo ya Batumwi 22:8

Ndakeepusha ayi, ‘Ino ndimwe baani Nkambo?’ Lakwe wakakumbula ayi, ‘Ndime Jesu wa kuNasaleti ngootoopensha.’

Milimo ya Batumwi 26:9

“Palwaangu ndakalinga kuyeeya kucita cintu cili coonse nceenga cakonsha kunyonyoola makani akwe Jesu wa kuNasaleti.

Milimo ya Batumwi 3:6

Sombi Pita wakamwaambila ayi, “Nshicite maali akukupa, sombi ntookupa nceencite. Muliina lyakwe Jesu Klistu wa kuNasaleti, ndakwaambila ayi, ‘Nyamuka weende!’ ”