Joni 1:43 - Baibo Busansulushi Bwa Libuku Ili

⁴³ Bushiku bwakaboolaawo Jesu wakayeeya kuya kucishi ca Galili. Mpeeke wakacana Filipo akumwaambila ayi, “Nkonkele!”

Joni 1:43 Marejeleo ya Msalaba

Isaya 65:1

Mwaami Lesa waamba ayi, “Ndakaliyubulula kubantu abo batakalinga kumpaila. Ndakalibika patuba kubaabo batakalinga kunyandoola. Ncakwiila kumushobo watakalinga kunambila, ndakaamba ayi, ‘Mpoondi, ndaakumucafwa.’

Mateyo 10:3

Filipo aBatolomeyo, Tomasi aMateyo shikusonkesha, Jemusi mwanaakwe Alufeyasi aTadeyasi,

Mateyo 4:12

Ono Jesu ndyaakanyumfwa ayi Joni bakamubika muntolongo, wakaya mukwikala mucishi ca Galili.

Mateyo 8:22

Sombi Jesu wakamukumbula ayi, “Nkonkelebo, leka bafu bafukile bafunyinaabo.”

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

Luka 19:10

Ceebo MwanaaMuntu wakesa mukuyandoola akupulusha basowekete.”

Joni 1:28

Ishi shoonse shakacitikila mundabala ya Betani kulubasu lwakwicwe lya Mulonga wa Joodani, uko Joni nkwaakalinga kubombekela.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 1:35

Bushiku bwakaboolaawo Joni wakalinga kwiimfwi pamusena weenka uyo alimwi abashikwiiya bakwe bobilo.

Joni 1:37

Mpomunyaawo bashikwiiya bobilo abo, ndibakanyumfwa cakaamba Joni, bakakonkela Jesu.

Joni 1:44

Filipo wakalinga kwikala kundabala ya Betisaida uko kwakalinga kwikala Andulu aPita.

Joni 12:21

BaGiliki aba bakaya kuli Filipo wa kundabala ya Betisaida mucishi ca Galili akumwaambila ayi, “Nkambo, tutooyanda kubona Jesu.”

Joni 14:8

Mpomunyaawo Filipo wakaambila Jesu ayi, “Nkambo, ncetusunibo nkwaamba ayi mututondeshe baIshiwanu.”

Joni 2:11

Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Joni 6:5

Lyalo Jesu ndyaakalangalanga wakabona bantu baanji kabesa kuli nguwe, wakeepusha Filipo ayi, “Ino nkuli nkweenga twoola shinkwa ayi bantu aba balye?”

Joni 6:7

Filipo wakamukumbula ayi, “Nabi twoola shinkwa wa myaanda yobilo ya maali asilifa inga taukwani kwaamba ayi muntu uli woonse alye nakaceyi.”

Bene Filipi 3:12

Nshintokwaamba ayi ndashitambula kale, sombi ntoocica kwaamba ayi nkatambule shoolwe ishi mukwiinga ncaakancatila Klistu Jesu ayi mbe waakwe.

1 Joni 4:19

Tulisunene mukwiinga Lesa ngowakataanguna kutusuna.